Gujarati News

રાજકોટ તા. ૨૬ : ગવરીદળ પાસે વાડીમાં ત્રણ દિવસ પહેલા ઝેરી દવા પી લેનાર સગીરાએ રાજકોટની સિવિલ હોસ્‍પિટલમાં સારવાર દરમિયાન મોત નિપજ્‍યું હતું.

મળતી વિગત મુજબ છોટા ઉદેપુરની હાલ ગવરીદળમાં ખોડાભાઇ રાઠોડની વાડીએ પરિવાર સાથે રહેતી ભાવના શૈલેષભાઇ રાઠવા (ઉ.૧૭) ગત તા. ૨૩ના રોજ તેના મોટાભાઇએ વાડીમાં પાણી વાળવા બાબતે ઠપકો આપતા તેણે ઝેરી દવા પી લીધી હતી. બાદ તેને સારવાર માટે સિવિલ હોસ્‍પિટલમાં ખસેડાઇ હતી ત્‍યાં તેનું સારવાર દરમિયાન મોત નિપજ્‍યું હતું. મૃતક ભાવના એક ભાઇ અને એક બહેનમાં નાની હતી. આ અંગે પોલીસે વધુ તપાસ હાથ ધરી છે.