Gujarati News

રાજકોટ તા. ૨૧: વાંકાનેરના સમઢીયાળા ગામે રહેતાં અને મચ્‍છીમારીનો કોન્‍ટ્રાક્‍ટ ધરાવતાં તેમજ બાંધકામનો ધંધો ધરાવતાં ઇકબાલભાઇ જમાલભાઇ પીપરવાડીયા (ઉ.વ.૫૦) ઉપર કોઠી ગામે ગયા ત્‍યારે સતા ભરવાડ, નવઘણ ભરવાડ સહિતનાએ ધોકા-પાઇપથી હુમલો કરી માર મારતાં સારવાર માટે રાજકોટ સિવિલ હોસ્‍પિટલમાં ખસેડવામાં આવતાં હોસ્‍પિટલ ચોકીના સ્‍ટાફે વાંકાનેર તાલુકા પોલીસને જાણ કરી હતી. ઇકબાલભાઇના સગાના કહેવા મુજબ ઇકબાલભાઇને કોઠી ગામે કાયદેસરની માલિકીની જમીન આવેલી છે. આ જમીન પર બાંધકામ કરવું હોઇ પોતે ત્‍યાં ગયા હતાં ત્‍યારે ભરવાડ શખ્‍સોએ તેમાં પેશકદમી કરવાના ઇરાદે તેમને જમીનમાં જતાં અટકાવ્‍યા હતાં અને ઝઘડો કરી હુમલો કર્યો હતો. પોલીસે વિશેષ તપાસ હાથ ધરી છે.