News of Wednesday, 14th February 2018

આજી ડેમ પાસે ભુલો પડેલા તરૂણના પરિવારને શોધી પોલીસે મિલન કરાવ્યુ

રાજકોટ તા. ૧૪ :.. આજી ડેમ ચોકડી પાસે એક આઠ વર્ષનો તરૂણ રડતો હોઇ, થોરાળા પોલીસે તેને પુછતા તેણે પોતાનું નામ કિસ્મતઅલી રમઝાનભાઇ અંસારી (ઉ.૮) જણાવ્યું હતું. પરં તે ભુલો પડી ગયો હોઇ, તેથી તેને પોલીસ સ્ટેશને લઇ આવ્યા હતા અને તે એકતા કોલોની બોલતો હતો. તેથી થોરાળા પોલીસ મથકના કોન્સ. મસરીભાઇએ તરૂણના પરિવારજનોની શોધખોળ આદરી હતી. અને તેણે ભકિતનગર પોલીસના કોન્સ. સલીમભાઇ મકરાણીનો સંપર્ક કરતા તેણે તપાસ કરતા તરૂણ કિસ્મતઅલી જંગલેશ્વર નદીના કાંઠે આવેલ એકતા કોલોનીમાં રહેતો હોવાનું જાણવા મળતા પોલીસે તેના પિતા રમઝાનભાઇ અંસારીને શોધી કાઢી અને તેને થોરાળા પોલીસ મથકે લઇ જઇ તેના પુત્ર કિસ્મતઅલીને સોંપ્યો હતો.

(4:13 pm IST)
  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST