Gujarati News

રાજકોટઃ ત્રંબાના કસ્‍તુરબાધામ માનવ મંદિર ખાતે કોરોના કાળમાં મૃત્‍યુ પામનારા લોકોના આત્‍માની શાંતિ માટે શ્રીમદ્દ ભાગવત સપ્‍તાહનું આયોજન કરવામાં આવ્‍યું છે. આ કથા માટે બીજા કોઇ લોકો પાસેથી કોઇપણ પ્રકારનો ફંડફાળો લેવામાં આવતો નથી. માનવ મંદિરના ધીરૂભાઇ કોરાટ અને સ્‍મશાનમાં સેવા આપતા મુળજીભાઇ ખુંટે આ આયોજન કર્યુ છે. મુળજીભાઇ બિનવારસ લોકોના મૃતદેહોની અંતિમવિધીનું સેવાકાર્ય પણ કરે છે. આ કથામાં બાપાસિતારામ આશ્રમવાળા જગદીશભાઇ દ્વારા ભાવિકો માટે પ્રસાદની વ્‍યવસ્‍થા કરવામાં આવી છે. ભાવિકો મોટી સંખ્‍યામાં ધર્મગંગાનો લાભ લઇ રહ્યા છે. તેમ ત્રંબાથી જી. એન. જાદવે જણાવ્‍યું હતું.