News of Wednesday, 3rd January 2018

ભારતનાં પ્રથમ શિક્ષિકા સાવિત્રીબાઇ ફુલેની આજે ૧૮૭મી જન્મ જંયતિ

મૂળ નિવાસી સંઘ દ્વારા શહેરમાં પ્રતિમા મૂકવા મુખ્યમંત્રીને રજૂઆત

રાજકોટ,તા.૩: ભારતનાં પ્રથમ  મહિલા શિક્ષિકા સાવિત્રીબાઇ ફૂલેની આજે ૧૮૭મી જન્મ જંયતિ છે ત્યારે મૂળ નિવાસી સંઘ દ્વારા શહેરમાં ફુલેજીની પ્રતિમા મુકવા મુખ્યમંત્રી વિજયભાઇ રૂપાણીને પત્ર પાઠવી રજૂઆત કરવામાં આવી છે.

આ અંગે મૂળ નિવાસી સંઘે પત્રમાં  જણાવ્યુ છે કે, ૧૮૩૧માં માહરાષ્ટ્રનાં સતારા ખાતે જન્મેલા સાવિત્રીબાઇ ફુલે ભારતનાં પ્રથમ મહિલા શિક્ષિકા હોવાનું ગૌરવ ધરાવે છે. તેમના લગ્ન સમાજ સુધારક જયોતિરાવ ફુલે સાથે થયા હતા. સ્ત્રી શિક્ષણ અને જાગૃતિ માટે તેઓ હંમેશા  હિમાયતી  રહ્યા હતા.

આવા સાવિત્રીબાઇ ફુલેની પ્રતિમા મૂકવા પત્રમાં મુળ નિવાસી સંઘે લાગણી વ્યકત કરી છે. આજે તેઓની જન્મ જંયતિ નિમિતે ઠેર-ઠેર ભાવ વંદના કરવામાં આવી હતી.(૨૮.૧)

(4:02 pm IST)
  • મહારાષ્ટ્રમાં તોફાનોની અસર શાંત થતા ડાંગ એસટી તંત્ર દ્વારા એસટી બસની સુવિધા પુર્વવતઃ સાપુતારાથી નાસીક-શિરડી જતી બસોને લીલીઝંડી access_time 5:29 pm IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST