News of Saturday, 3rd February 2018

એપ્રિલથી ૩ મહિના માટે હાપા-સાંત્રાગાછી વચ્ચે ખાસ એસી સુપરફાસ્ટ ટ્રેન દોડશે

૬ ઠ્ઠી ફેબ્રુઆરીથી રિઝર્વેશનનો પ્રારંભઃ રાજકોટ સ્ટેશન ઉપર દર સોમવારે બપોરે ૧ર.ર૦ આવી ૧ર.૩૦ વાગ્યે ઉપડશે

રાજકોટ, તા., ૩: રેલ તંત્ર દ્વારા ઉનાળુ વેકેશન દરમીયાન મુસાફરોની સુવિધાઓ માટે હાપાથી સાંત્રાગાછીની વચ્ચે તા.૬ એપ્રિલથી ર જુલાઇથી વિશેષ ટ્રેન નં. ૦ર૮૩૪/૦૨૮૩૩ સાંત્રાગાછી-હાપા સ્પેશ્યલ ચલાવવામાં આવશે.

તદઉપરાંત ટ્રેન સંખ્યા ૦ર૮૩૪ સાંત્રાગાછી-હાપા સ્પેશ્યલ તા. ૬ એપ્રિલથી ર૯ જુન ર૦૧૮ સુધી (૧૩ ટ્રીપ) પ્રતિ શુક્રવાર રાત્રે ર૧.૦પ કલાકે સાંત્રાગાછીથી ઉપડીને પ્રતિ રવિવાર ૧પ.પ૦ કલાકે હાપા પહોંચશે. પરતમાં ટ્રેન સંખ્યા ૦ર૮૩૩ હાપા-સાંત્રાગાછી સ્પેશ્યલ તા.૯ એપ્રિલથી ર જુલાઇ ર૦૧૮ સુધી (૧૩ ટ્રીપ) પ્રતિ સોમવાર સવારે ૧૦.૪૦ કલાકે હાપાથી ઉપડીને પ્રતિ બુધવાર પ.૪પ કલાકે સાંત્રાગાછી પહોંચશે.

આ દરમિયાન માર્ગમાં બંન્ને દિશાઓમાં આ ટ્રેન રાજકોટ, વાંકાનેર, સુરેન્દ્રનગર, વિરમગામ, અમદાવાદ, નડીયાદ, આણંદ, વડોદરા, ભરૂચ, સુરત, નંદુરબાર, અમલનેર, જલગાંવ, ભુસાવલ, મલકાપુર, અકોલા, વડનેરા, વર્ધા, નાગપુર, ગોદીયા, દુર્ગ, રાયપુર, બિલાસપુર, જારસુગુડા, રાઉરકેલા, ચક્રધરપુર, ટાટાનગર તેમજ ખડકપુર સ્ટેશનો પર ઉભી રહેશે.

આ વિશેષ ટ્રેનમાં થર્ડ એસીના ૧૪ કોચ રહેશે તથા આ ટ્રેન વિશેષ ભાડા સાથે ચલાવવામાં આવશે. આ ૦ર૮૩૩ વિશેષ ટ્રેનનું આરક્ષણ બધા જ કોમ્પ્યુટરકૃત મુસાફર આરક્ષણ કેન્દ્રો તથા આઇઆરસીટીસીની વેબસાઇટથી તા.૬ ફેબ્રુઆરીથી  ૧ર૦ દિવસની અગ્રીમ આરક્ષણ સમયગાળા સાથે આરંભ થશે.(૪.૨૦)

(3:54 pm IST)
  • એર ઇન્ડિયાના નવા માલિક અંગે જૂનના અંત સુધીમાં સ્પષ્ટતા થઇ જશે. સરકારનું લક્ષ્ય છે કે ડિસેમ્બર સુધીમાં તેની સાથે જોડાયેલી કાયદાકીય કાર્યવાહી પૂર્ણ કરી લેવાશે. તેના બાદ હરાજીમાં સંપત્તીને ટ્રાન્સફર કરવામાં આવશે તેમ ઉડ્ડ્યન મંત્રી જયંત સિન્હાએ જણાવ્યું હતું. access_time 3:11 pm IST

  • 24 કલાકમાં 6 એન્કાઉન્ટર : કાસગંજ હિંસા બાદ યુપીના સીએમ યોગી આદિત્યનાથે કહ્યું હતું કે કોઇપણ પ્રકારના અરજકતા ફેલાવનાર તત્વોને સહન કરવામાં આવશે નહીં. જે બાદ 24 કલાકમાં યુપી પોલીસે લખનઉ, ગોરખપુર, મુઝફ્ફરનગર, નોએડા, મેરઠ અને કન્નોજમાં એન્કાઉન્ટર કર્યાં. શનિવારે લખનઉમાં પોલીસ અને બાવરિયા ગેંગ વચ્ચે એન્કાઉન્ટર થયું હતું. જેમાં 4 ડાકૂની ધરપકડ કરવામાં આવી છે. access_time 1:42 pm IST

  • અમદાવાદમાં અધિક મદદનીશ ઈજનેર ૫૦ હજારની લાંચ લેતા ઝડપાયા : ધોળકા તાલુકા પંચાયતના અધિક મદદનીશ એન્જીનિયર વિકાસ કામના બીલ મંજૂર કરવા લાંચ લેતા ઝડપાયા : એસીબીએ ટ્રેપ ગોઠવી અને ઝડપી લીધા access_time 5:54 pm IST