Gujarati News

Gujarati News

News of Thursday, 29th October 2020

લોકજનશક્‍તિ પાર્ટીના ઉમેદવાર ડો. ચંદ્રપ્રકાશે મને બ્‍લેકમેઇલ કરી હતી, અભદ્ર વ્‍યવહારનો પ્રયાસ થયો હતોઃ મારી ઉપર દુષ્‍કર્મ અથવા તો મારી હત્‍યા થઇ જાતઃ અભિનેત્રી અમિષા પટેલની કથિત ઓડિયો ક્‍લીપ વાયરલ

પ્ટણા: બિહારના વિધાનસભા ઈલેક્શનમાં પ્રચાર કરવા પહોંચેલી એક્ટ્રેસ અમીષા પટેલના કથિત ઓડિયોએ રાજકીય ગલીઓમાં સનસની મચી ગઈ છે. ઓડિયોમાં અમીષા પટેલ લોક જનશક્તિ પાર્ટીના ઉમેદવાર ડો.ચંદ્રપ્રકાશ પર આરોપ લગાવ્યો છે કે, તેને બ્લેકમેલ કરાઈ અને અભદ્ર વ્યવહાર કરવાનો પ્રયાસ કરાયો. હાલ આ ઓડિયોના અસલી હોવાની પુષ્ટિ થઈ શકી નથી.

LJP ઉમેદવારના બોલાવવા પર બિહાર ગઈ હતી અમીષા પટેલ

ડીએનએ સાથેના એક ઈન્ટરવ્યૂમાં અમીષા પટેલે કહ્યું કે, તેઓ બિહારમાં ડો.ચંદ્ર પ્રકાશના કહેવા પર પ્રચાર કરવા ગયા હતા. તે બહુ જ ખતરનાક વ્યક્તિ છે. તેઓ લોકોને બ્લેકમેલ કરે છે અને તેઓને ધમકાવે છે. તેઓએ મને અને મારી ટીમને ગંદી રીતે ધમકાવ્યા છે અને ખરાબ વર્તન કર્યું. એટલુ જ નહિ, હુ મુંબઈ પરત આવી તો તેઓએ મને ધમકીભર્યા મેસેજ અને ફોન કરવાનું પણ શરૂ કર્યુ કે હું તેના માટે સન્માનપૂર્વક વાત કરું. કેમ કે, હું 26 ઓક્ટોબરના રોજ પોતાના અનુભવ વિશે બહુ જ ઈમાનદાર રહી હતી.

મારો બળાત્કાર કે મર્ડર થઈ શક્તુ હતું

અમીષાએ કહ્યું કે, ત્યા મારો બળાત્કાર-મર્ડર થઈ શક્તુ હતું. તેણે મને કોઈ સુરક્ષા ઉપલબ્ધ કરાવી ન હતી. ત્યાં ચારેતરફ પાગલપન દેખાઈ રહ્યું હતું. મારી કારને દર વખતે તેના માણસો ઘેરીને રહેતા હતા. જ્યાં સુધી હું તેની વાત માની ન લેતી, તેના માણસો મારી કારને ખસવા પણ દેતા ન હતા. તેણે મને પોતાના ઘરમાં ફસાવી રાખ્યું હતું અને મારી જિંદગી ખતરામાં મૂકી હતી. તેણે મને ધમકી આપી હતી કે, હું પટનામાં કેમ્પેઈનિંગ દરમિયાન 3 કલાક તેની સાથે રહું. તે દિવસે સાંજે ફ્લાઈટ પકડવાની હતી, પરંતુ તેઓએ મને ફ્લાઈટ લેવા ન દીધી. પરંતુ મને એક ગામમાં રાખી હતી અને ધમકી આપી કે, તેમની વાત ન માની તો મને ત્યાં છોડી દેશે.

ફોન કરીને મને ધમકી આપી

અભિનેત્રીએ કહ્યં કે, તેણે મને ગત રાત્રે પણ બ્લેકમેલ કરી હતી કે, હું તારા ખાતામા રૂપિયા મોકલી દઈશ, પરંતુ લોકોને મારા વિશે સારી વાત કરો. મેં તેને હા કહીને ફોન કાપી નાંખ્યો. તેના બાદ તે મારા સ્ટાફ અને ઓફિસના લોકોને સતત ફોન કરતો રહ્યો અને મારી સાથે વાત કરવાની રિકવેસ્ટ કરી. તેના માણસોએ આજે પણ મને અનેક કોલ કર્યાં. મેં મારી ટીમના દરેક લોકોને સૂચના આપી કે, તેના અને તેના માણસોનો ફોન આવે તો ફોન ઉઠાવીને સન્માનપૂર્વક જવાબ આપીને ફોન કાપી દો.

અમીષાએ કહ્યુ કે, તે એક વાસ્તવિક ચોર છે અને એક ગુંડાની રાતે વર્તન કરે છે. મારા માટે તે કોઈ ડરાવના સપનાથી ઓછો નથી. મને ત્યાં મારા અને મારી સાથેના લોકોના જીવ પર ધોકો અનુભવાયો હતો. જ્યાં સુધી હું મુંબઈ ન પહોંચી, ત્યાં સુધી તે મારી પાસે શાંત રહીને તેની વાતોને અનુસરવા સિવાય કોઈ વિકલ્પ ન હતો. મુંબઈ પહોંચ્યા બાદ મેં મીડિયાને આ સંબંધે જણાવ્યું હતું. તેના બાદ તે મને વધુ ધમકીઓ આપવા લાગ્યો.

સજાના લાયક છે તે માણસ

અભિનેત્રીએ કહ્યું કે, તે માણસ સજાને લાયક છે. તે બહુ જ ખરાબ માણસ છે. જ્યારે કાલે મીડિયા સાથે મેં આ સંબંધે વાત કરી તો તેના માણસોએ મને સતત કોલ કરીને ધમકીઓ આપી. પરંતુ હુ તેની ધમકીથી ડરવાની નથી અને કહ્યું કે, જે મારી સાથે વિત્યું છે તેની હકીકત હું દુનિયાને બતાવીને રહીશ. તે મારા માટે બહુ જ ખરાબ અનુભવ હતો. તેણે બિહાર ઈલેક્શનમાં મારી હાજરીનો ખોટો ફાયદો ઉઠાવ્યો.

(4:46 pm IST)
  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST