Gujarati News

ન્યુદિલ્હી : નેશનલ કમિશન ફોર માઈનોરિટી એજ્યુકેશન ઈન્સ્ટિટ્યૂશન એક્ટ, 2004 હેઠળ અમુક રાજ્યોમાં હિંદુઓને લઘુમતી તરીકે જાહેર કરવા અંગેની અરજીમાં સુપ્રીમ કોર્ટ સમક્ષ સોમવારની સુનાવણીમાં બેન્ચ અને સોલિસિટર જનરલ (SG) તુષાર મહેતા વચ્ચે કેટલીક રસપ્રદ ચર્ચા જોવા મળી હતી.

સોલિસિટર જનરલે સુપ્રીમ કોર્ટને કહ્યું કે તેમણે લઘુમતી બાબતોના મંત્રાલય દ્વારા સર્વોચ્ચ અદાલત સમક્ષ રજૂ કરેલું સોગંદનામું જોયું નથી.

એડવોકેટ અને ભાજપના નેતા અશ્વિની કુમાર ઉપાધ્યાય દ્વારા દાખલ કરવામાં આવેલી અરજીમાં મંત્રાલયે સુપ્રીમ કોર્ટ સમક્ષ રજૂ કરેલા સોગંદનામામાં જણાવ્યું હતું કે રાજ્યોને પહેલાથી જ સંબંધિત રાજ્યમાં હિંદુઓ અને યહૂદીઓ સહિત ભાષાકીય અથવા ધાર્મિક સમુદાયોને લઘુમતીનો દરજ્જો આપવાનો અધિકાર છે જ્યાં તેઓ લઘુમતી છે.

કોર્ટે મહેતાની રજૂઆત નોંધી હતી અને મામલાની સુનાવણી ચાર અઠવાડિયા માટે મુલતવી રાખવાની કાર્યવાહી કરી હતી.તેવું બી.એન્ડ બી.દ્વારા જાણવા મળે છે.