Gujarati News

ગુવાહાટી, તા.૨૭: આસામમાં સંદિગ્ધ ઉગ્રવાદીઓ દ્વારા એક ભયાનક ઘટનાને અંજામ આપવામાં આવ્યો હતો. દીમાં હસાઓના ઉમરંગસો-લંકા રોડ પર દિસમાઓ ગામ પાસે બદમાશોએ ઓછામાં ઓછા ૭ ટ્રકોને આગ ચાંપી હતી. આ અગાઉ તેમણે કેટલાય રાઉન્ડ ફાયરિંગ પણ કર્યું હતું અને ત્યાર બાદ વાહનોને આગ લગાવી દીધી હતી. પોલીસને ઘટના સ્થળે પહોંચીને પાંચ ડેડ બોડી મળ્યા હતા.

આસામમાં સુદૂર દીમા હસાઓ જિલ્લામાં દિયુંગબરા પાસે આ દ્યટના બની હતી. જેમાં રાત્રિના સમયે કેટલાક ટ્રકને આગ ચાંપી દેવામાં આવી હતી. આ પગલું સંદિગ્ધ ઉગ્રવાદીઓનું તોફાની પગલું હોવાનું માનવામાં આવે છે. આસામ પોલીસ કહ્યું હતું કે આ પાછળ સંદિગ્ધ ઝ્રફન્ખ્ ઉગ્રવાદી સમૂહનો હાથ હોય શકે છે. જિલ્લાના એસપીએ કહ્યું હતું કે રાઈફલ્સની મદદથી વ્યાપક તપાસ અભિયાન જારી કરી દેવામાં આવ્યું હતું.

એપ્રિલ ૨૦૧૯ માં રચાયેલ, ઝ્રફન્ખ્ સશસ્ત્ર સંદ્યર્ષ દ્વારા દિમાસા સમુદાય માટે એક સ્વતંત્ર રાષ્ટ્રની ઈચ્છા રાખે છે. તાજેતરના મહિનાઓમાં, સુરક્ષા દળો સાથે બંદૂકની લડાઈમાં સંગઠનના સભ્યો માર્યા ગયા છે અથવા શરણાગતિ સ્વીકારી છે.

દિમાસા આસામની સ્વદેશી આદિવાસીઓમાંની એક જાતિ છે. ૨૦૧૧ની વસ્તી ગણતરી મુજબ લગભગ ૧૪૨,૪૧૩ દિમાસા દિમા હાસાઓ જિલ્લામાં હતા જયારે અન્ય પડોશી નાગાલેન્ડમાં રહેતા હતા.

ડીએનએલએ દાવો કરે છે કે આદિજાતિની સંસ્કૃતિ, ભાષાને બચાવવા અને દિમાસા સામ્રાજયને પુનઃસ્થાપિત કરવા માટે તેઓ લડાઈ લડી રહ્યા છે, જે આ પ્રદેશના પ્રારંભિકમાંના એક છે. દિમા હલમ દૌગાહ અને કાળી વિધવા બળવાખોર જૂથો અગાઉ પ્રદેશમાં સક્રિય હતા પરંતુ હવે નિષ્ક્રિય થઈ ગયા છે.

આસામમાં સાર્વભૌમત્વ, અલગ રાજય અથવા સ્વાયત્ત્। પ્રદેશની માંગ કરતા વિવિધ સમુદાયોનું પ્રતિનિધિત્વ કરતા સશસ્ત્ર જૂથોનો ઇતિહાસ છે. તેમાંના કેટલાક નેશનલ ડેમોક્રેટિક ફ્રન્ટ ઓફ બોડોલેન્ડ, યુનાઈટેડ લિબરેશન ફ્રન્ટ ઓફ એસોમ (વાતચીત તરફી જૂથ) એ સશસ્ત્ર સંદ્યર્ષ છોડી દીધો છે અને કેન્દ્ર સાથે શાંતિ સોદા કર્યા છે.