Gujarati News

Gujarati News

News of Friday, 22nd January 2021

‘ચલો બુલાવા આયા હૈ... માતાને બુલાયા હૈ...’ ભજનના ગાયક નરેન્દ્ર ચંચલનું અવસાનઃ ૩ મહિનાથી દિલ્હીની ઍપોલો હોસ્પિટલમાં સારવારમાં હતા

મુંબઇઃ ભજન સમ્રાટ તરીકે જાણીતા ગાયક નરેન્દ્ર ચંચલનું આજે દિલ્હીમાં અવસાન થઈ ગયું છે. તેઓ 80 વર્ષના હતા અને છેલ્લા કેટલાક સમયથી બીમાર હતા. છેલ્લા 3 મહિનાથી દિલ્હીની એપોલો હોસ્પિટલમાં તેમની સારવાર ચાલી રહી હતી.

નરેન્દ્ર ચંચલે આજે બપોરે 12:15 કલાકે અંતિમ શ્વાસ લીધા હતા. તેઓ માતાના ભજનો ગાવા માટે સમગ્ર વિશ્વમાં જાણીતા હતા. તેમણે અનેક ફિલ્મોમાં પણ ભજન ગાયક તરીકે રજૂઆત કરી છે.

ચલો બુલાવા આયા હૈમાતાને બુલાયા હૈ”, જે તેમનું સૌથી પ્રખ્યાત ભજન હતું. નરેન્દ્ર ચંચલ બાળપણથી જ પોતાની માતા પાસેથી માતાજીના ભજનો સાંભળતા હતા. માતાજીના ભજનો સાંભળીને તેમના પણ ભજનો ગાવાનો રસ જાગ્યો હતો.

સૌ પ્રથમ માતા પાસેથી શીખ્યા બાદ નરેન્દ્ર ચંચલે પ્રેમ ત્રિખા પાસેથી સંગીતની તાલી મેળવી અને પચી તેઓ ભજન ગાવા લાગ્યા હતા. તેમણે માત્ર શાસ્ત્રીય સંગીત જ નહીં, પરંતુ લોક સંગીતમાં પણ આગવી ઓળખ ઉભી કરી છે.

1973માં તેમણે બૉબી ફિલ્મમાં એક ગીત ગાયું હતું. આ ફિલ્મમાં બેશક મંદિર તોડો, મસ્જિદ તોડો ગીતને પોતાનો અવાજ આપ્યો હતો. જે બાદ આ ગીત લોકપ્રિય બન્યું હતું. જે બાદ નરેન્દ્ર ચંચલનું નામ બોલિવૂડમાં છવાઈ ગયું હતુ. તાજેતરમાં જ નરેન્દ્ર ચંચલે કોરોના પણ પણ એક ગીતને પોતાનો અવાજ આપ્યો હતો. જે ખૂબ જ વાયરલ થયું હતું.

(4:52 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • પૂર્વ ધારાસભ્ય ભૂપેન્દ્ર ખાંટનું દુઃખદ અવસાન: ગાંધીનગર: મોરવા હડફના પૂર્વ ધારાસભ્ય ભૂપેન્દ્ર ખાંટનું લાંબી માંદગી બાદ દુઃખદ અવસાન થયું છે access_time 11:43 am IST