Gujarati News

Gujarati News

News of Tuesday, 13th February 2018

પાકિસ્તાન કોઈપણ હુમલાનો ભારતને જડબાતોડ જવાબ આપવા તૈયાર ;પાકિસ્તાનની ધમકી

ભારતને તેની ભાષામાં જવાબ આપવા સક્ષમ : રક્ષા પ્રધાન ખુર્રમ દસ્તગીર ખાને ભારતને ચેતાવણી આપી

 

કરાચી :પાકિસ્તાનના રક્ષા પ્રધાન ખુર્રમ દસ્તગીર ખાને કહ્યું હતું કે પાકિસ્તાન કોઈ પણ પ્રકારના હુમલાનો ભારતને જડબાતોડ જવાબ આપવા તૈયાર છે. અમે ભારતની આક્રમકતા, રણનીતિ અને અન્ય કોઈપણ પ્રકારની ચિંતા કર્યા વગર ભારતને તેની ભાષામાં જવાબ આપવા સક્ષમ છીએ.

   તેઓએ વધુમાં કહ્યું હતું કે ભારત આતંકવાદ મુદે સતત પાકિસ્તાન પર આરોપ લગાવી રહ્યું છે. પાકિસ્તાનને દોષી ઠેરાવ્યા વગર ભારતે એકવાર મંથન કરવુ જોઈએ. ભારતે જાસુસ કુલભુષણ અંગે ઠોસ જવાબ આપવો જોઈએ. જ્યારે કુલભુષણની જાસુસી અંગેના તમામ પૂરાવા વિશ્વ સામે છે.

    દસ્તગીરે વધુમાં એમ પણ કહ્યું છે. 11 વર્ષ પહેલા સમજોતા એક્સપ્રેસ પર આતંકવાદી હુમલો કરવામાં આવ્યો હતો. જેમા 42 પાકિસ્તાની નાગરિકના મોત થયા હતાં. ભારત તમામ પાકિસ્તાન નાગરિકોને ન્યાય આપવામાં નિષ્ફળ રહ્યું હતું. ભારત દુનિયાભરમાં શાંતિની વાત કરે છે. પરંતુ જમીનીસ્તર પર હકીકત કંઈક અલગ છે.

 

(11:09 pm IST)
  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST

  • પટણાથી હાવડા જઈ રહેલ જન શતાબ્દી એકસપ્રેસ ટ્રેનમાં સવારે ૯-૯:૩૦ વાગ્યે અચાનક આગ ફાટી નીકળી : એશી કોચમાં અચાનક ધુમાડો નીકળતા મુસાફરોમાં ભારે અફડાતફડી મચી : થોડીવાર પછી આગ પર કાબુ મેળવી લેવામાં આવેલ : આ બનાવ મોકામા સ્ટેશને બનેલ access_time 11:30 am IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટોઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી access_time 9:38 am IST