News of Tuesday, 13th February 2018

મોદી સરકાર આકરા પાણીએઃ પાકિસ્તાનને નાની યાદ કરાવી દેવાશે

સતત ત્રાસવાદી હુમલા ખતમ નહિ થાય તો પાકિસ્તાન વિરૂધ્ધ મહાકાર્યવાહી કરવા ઉચ્ચકક્ષાએ ગંભીર મંત્રણાઃ દિલ્હીમાં બેઠકોનો ધમધમાટઃ સંરક્ષણ મંત્રીનું ગઇકાલનુ નિવેદન ઘણુ મહત્વનું: હવે સરકાર રાહ જોવા નથી માંગણી

નવી દિલ્હી તા.૧૩ : જમ્મુ-કાશ્મીરમાં પાકિસ્તાને ત્રાસવાદી હુમલા થકી છાંયા યુધ્ધનો ખેલ ખેલવાનુ બંધ ન કર્યુ તો તેને તેની ભારે કિંમત ચુકવવી પડશે. કાશ્મીર ખીણમાં સુંઝવા સૈન્ય કેમ્પ બાદ શ્રીનગરમાં સીઆરપીએફ કેમ્પ પર થયેલા હુમલાને ધ્યાનમાં રાખી હવે કેન્દ્ર સરકાર પાકિસ્તાન વિરૂધ્ધ મોટી કાર્યવાહી લઇને ગંભીર મંથન કરી રહી છે. આ ત્રાસવાદી હુમલામાં જેશ એ મહમદ અને લશ્કર એ તોઇબાનો હાથ હોવાના નક્કર પુરાવાઓ મળતા આકરી વળતી કાર્યવાહી કરવાના વિકલ્પ ઉપર સરકાર ગંભીરતાથી વિચારી રહી છે. ગઇકાલે જ સંરક્ષણ મંત્રી નિર્મલા સીતારામને સ્પષ્ટ કહી દીધુ હતુ કે પાકિસ્તાને કિંમત ચુકવવી પડશે.

 

ત્રાસવાદી હુમલા બાદ સરકારમાં ઉચ્ચકક્ષાએ ચાલી રહેલા બેઠકોના દોરમાં જમ્મુ-કાશ્મીરમાં સુરક્ષાની પરિસ્થિતિની સમીક્ષાની સાથે પાક.ને પાઠ કઇ રીતે ભણાવવો તેના ઉપર ઉંડાણથી ચર્ચા-વિચારણા થઇ રહી છે. આ વળતી કાર્યવાહીની ગંધ આવતા પાકિસ્તાને સર્જીકલ સ્ટ્રાઇકને લઇને ચેતવણી ઉચ્ચારી છે. સંરક્ષણ મંત્રાલય, લશ્કરી હેડ કવાટર અને ગૃહ મંત્રાલયમાં સીમા પારથી પાકિસ્તાનની નાપાક હરકતોનો જડબાતોડ જવાબ આપવાની રણનીતિ ઉપર બેઠકોના દોર ચાલ્યા હતા. જેમાં લશ્કરી વડા જનરલ બીપીન રાવતની સંરક્ષણ મંત્રી નિર્મલા સીતારામનની બેઠક ઘણી મહત્વની હતી.

આ બેઠક બાદ સંરક્ષણ મંત્રી સુંઝવા આર્મી કેમ્પની પરિસ્થિતિની જાત માહીતી લેવા જમ્મુ ગયા હતા. તેમણે જમ્મુમાં જ પાક.ને આકરી કિંમત ચુકવવી પડશે એવી ચેતવણી આપી સરકારના સંભવિત ઇરાદાઓના સ્પષ્ટ સંકેતો આપ્યા હતા તો બીજી તરફ ગૃહમંત્રી રાજનાથસિંહે સીઆરપીએફના કેમ્પ ઉપર હુમલાને ગંભીર ગણી ગૃહ મંત્રાલયમાં ટોચની બેઠક બોલાવી હતી. આ બેઠકમાં આઇબીના વડા પણ હાજર હતા. આ બેઠકમાં વધુ સુરક્ષા એલર્ટને લઇને ગૃહમંત્રીને પ્રેઝેન્ટેશન અપાયુ હતુ. સીમા પર ઘુસણખોરી નિષ્ફળ બનાવવા બીએસએફ અને સેનાની તૈયારીની પણ સમીક્ષા થઇ હતી.

સુત્રોના જણાવ્યા પ્રમાણે સેના, ગૃહ મંત્રાલય અને જે.કે.પોલીસના અધિકારીઓ વચ્ચે પણ ત્રાસવાદીઓ વિરૂધ્ધના ઓપરેશનને વેગવંતુ બનાવવાની રણનીતિ ઉપર ચર્ચા-વિચારણા થઇ હતી.(૩-૬)

(10:43 am IST)
  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • ૨૦મીએ શ્રી શ્રી રવિશંકર અયોધ્યા વિવાદનો હલ લાવવા મક્કમતાથી બેસશે access_time 12:37 pm IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST