Gujarati News

નવી દિલ્હી, તા.૧૧: હવે ડ્રગ્સ કંટ્રોલર જનરલ ઓફ ઇન્ડિયાએ પણ કોવેકિસન અને કોવિશિલ્ડ રસીના મિકિસંગ પરના અભ્યાસ માટે તેની મંજૂરી આપી દીધી છે. ક્રિશ્યિયન મેડિકલ કોલેજ, વેલ્લોરને આ અભ્યાસ અને કિલનિકલ ટ્રાયલ હાથ ધરવાની જવાબદારી મળી છે.

ઈન્ડિયા ટુડેના સમાચાર અનુસાર, કેન્દ્રીય દવા નિયમનકારની વિષય નિષ્ણાત સમિતિએ ૨૯ જુલાઈએ જ આ અભ્યાસ હાથ ધરવાનું સૂચન કર્યું હતું. બેઠક દરમિયાન, નિષ્ણાત સમિતિએ CMC, વેલ્લોરને IV ના તબક્કાના કિલનિકલ ટ્રાયલને મંજૂરી આપવા સૂચન કર્યું હતું. આ ટ્રાયલમાં, ૩૦૦ સ્વસ્થ સ્વયંસેવકો પર કોવિડ -૧૯ ની કોવેકિસન અને કોવિડશીલ્ડ રસીના મિકિસંગની અસરોનું પરીક્ષણ કરવામાં આવશે.

આ અભ્યાસનો હેતુ એ જાણવાનો છે કે શું વ્યકિતને સંપૂર્ણ રસીકરણ માટે કોવાસીનની એક માત્રા અને કોવિશિલ્ડની બીજી માત્રા આપી શકાય છે. આ પ્રસ્તાવિત અભ્યાસ ઇન્ડિયન કાઉન્સિલ ઓફ મેડિકલ રિસર્ચ (ICMR) દ્વારા કરવામાં આવેલા તાજેતરના અભ્યાસથી અલગ છે. ICMR એ ઉત્ત્।રપ્રદેશના લોકો પર સંશોધન કર્યું જેમને ભૂલથી બે અલગ અલગ કોરોના વિરોધી રસીઓના ડોઝ આપવામાં આવ્યા હતા.

આ અભ્યાસના આધારે, ICMR એ કહ્યું હતું કે કોવેકિસન અને કોવિશિલ્ડના સંયોજનથી વધુ સારા પરિણામો જોવા મળ્યા છે અને કોવિડ -૧૯ સામે સારી પ્રતિરક્ષા પણ બનાવી છે. આ અભ્યાસ ઉત્ત્।ર પ્રદેશના લાભાર્થીઓ પર મે અને જૂન વચ્ચે કરવામાં આવ્યો હતો.

૩ ઓગસ્ટના રોજ, સરકારે કહ્યું કે કોરોનાવાયરસ વિરોધી રસીઓના બે ડોઝના મિશ્રણ અંગે હજુ સુધી કોઈ ભલામણ કરવામાં આવી નથી. આ માહિતી આરોગ્ય અને પરિવાર કલ્યાણ રાજય મંત્રી ભારતી પ્રવીણ પવારે રાજયસભામાં એક પ્રશ્નના લેખિત જવાબમાં આપી હતી. તેમણે કહ્યું કે તાજેતરમાં કોવિડ -૧૯ વિરોધી રસીઓ વિકસાવવામાં આવી છે. વિવિધ રસી સંયોજનો અને સંયોજન રસીઓ અંગે વૈજ્ઞાનિક પુરાવા અને અભ્યાસ તેમના પ્રારંભિક તબક્કામાં છે.