Gujarati News

નાગપુર,તા.૧૦: વિવાહિત મહિલાના શરીર પર ‘આઈ લવ યુ'લખીને પત્ર ફેંકવો, કવિતા કે શાયરી ફેંકવી એ ગુનો ગણવામાં આવશે. આમ કરવાથી છેડતી કે જાતીય સતામણીનો કેસ થશે. હાઈકોર્ટની નાગપુર બેંચે મહારાષ્ટ્રના અકોલા જિલ્લામાં ૨૦૧૧ ની એક ઘટનાની સુનાવણી કરતી વખતે આ નિર્ણય આપ્‍યો હતો. એક ૫૪ વર્ષીય પુરુષ પર ૪૫ વર્ષીય મહિલાને અશ્‍લીલ કૃત્‍યોની ધમકી આપવાનો આરોપ હતો.

મહિલાઓની છેડતી કે સતામણીના કેસમાં આરોપી વિરુદ્ધ કલમ ૩૫૪ હેઠળ કેસ નોંધવામાં આવે છે. જો દોષિત ઠરે છે, તો તેને બે વર્ષ સુધી, અથવા દંડ, અથવા બંને સાથેની કેદની સજા થાય છે.

અકોલા જિલ્લામાં વર્ષ ૨૦૧૧ ની આ ઘટના નાગપુર બેન્‍ચમાં સાંભળવામાં આવી હતી. એક ૫૪ વર્ષીય પુરુષ પર ૪૫ વર્ષીય મહિલાને પરેશાન અને ધમકી આપવાનો આરોપ હતો. પીડિત મહિલા પરિણીત છે. તેને એક પુત્ર છે. આરોપીએ પીડિતાને પ્રેમ પત્ર આપ્‍યો હતો. પીડિતાએ તે પ્રેમપત્ર લેવાની ના પાડી દીધી હતી.

પરિણીત મહિલા દ્વારા ના પાડવામાં આવ્‍યા બાદ આરોપીએ તેના શરીર પર પત્ર ફેંકી દીધો અને તેને કહ્યું કે હું તને પ્રેમ કરું છું. આ સાથે તેણે આ વાત કોઈને ન કહેવાની ધમકી પણ આપી હતી. આ કેસમાં કોર્ટે સ્‍પષ્ટ કર્યું કે પરિણીત મહિલાના શરીર પર પ્રેમ પત્ર અથવા કવિતા ફેંકવો એ જાતીય સતામણી અને છેડતી છે.

આ કેસમાં પહેલા અકોલાની સિવિલ લાઇન પોલીસે આરોપીઓ સામે ગુનો નોંધ્‍યો હતો. પ્રથમ વર્ગની મેજિસ્‍ટ્રેટ કોર્ટે આરોપીને બે વર્ષની કેદ અને રૂ. ૧૦,૦૦૦ ના દંડની સજા ફટકારી હતી. આ નિર્ણયને આરોપીઓએ હાઈકોર્ટમાં પડકાર્યો હતો. હાઇકોર્ટે પણ આરોપીને દોષિત ઠેરવ્‍યા હતા. માનનીય કોર્ટે કહ્યું, ‘ષાીનું સન્‍માન તેનું સૌથી મોટું રત્‍ન છે. જયારે કોઈ મહિલાના સન્‍માન સાથે છેડછાડ કરવામાં આવી હોય અથવા તેને પરેશાન કરવામાં આવે ત્‍યારે તેને ધ્‍યાનમાં લેવું જોઈએ ત્‍યારે કોઈ સ્‍પષ્ટ સમજૂતી આપી શકાતી નથી. તે સંજોગો પર આધાર રાખે છે. પરંતુ ૪૫ વર્ષની પરિણીત મહિલાના શરીર પર પ્રેમ વ્‍યક્‍ત કરતી કવિતામાં લખેલો પત્ર ફેંકવો એ જાતીય સતામણી અને છેડતીનો કેસ છે. કોર્ટે તેના આદેશમાં આ અંગે સ્‍પષ્ટતા કરી હતી.