News of Thursday, 8th March 2018

કચ્છ સરહદે હલચલઃ પાકિસ્તાને હેલિપેડ - ટાવર ઉભા કર્યા

સતત ત્રીજી બોટ ઝડપાઇઃ વારંવાર સેટેલાઇટ ફોન ટ્રેસઃ હવે કચ્છ સરહદની સામે પાર થઇ રહેલ ગતિવિધિ દેશની સુરક્ષા માટે જોખમરૂપ - આપણી સુરક્ષા એજન્સીઓ એલર્ટ છે પણ આ વખતે સામે પાર થતી પાકિસ્તાની ગતિવિધિમાં ચીનનો પણ સહયોગ

ભુજ તા. ૮ : જમ્મુ - કાશ્મીરમાં આતંકવાદ, પંજાબ સરહદ નશીલા દ્રશ્યોની હેરાફેરી પછી હવે પાકિસ્તાનની નજર ગુજરાતની કચ્છ સરહદે છે.

 

સતત ત્રીજી વખત બીએસએફે કોઠાવારીક્રીક નજીક પાકિસ્તાની બોટ ઝડપી છે. આ વખતે પણ માછીમારો બીએસએફ જવાનોને હાથાળી આપીને નાસી છૂટવામાં સફળ રહ્યા છે. વળી, ગત અઠવાડિયે સિરક્રીક નજીકથી સેટેલાઇટ ફોનના સિગ્નલો ટ્રેસ થયા હતા.

જે અંતર્ગત ઘુસણખોરીની આશંકા સાથે રેડએલર્ટ અપાયું હતું. જો કે, હજીયે એલર્ટ ચાલુ છે અને સરહદે ચાંપતી નજર રખાઇ રહી છે પરંતુ આ વખતે પાકિસ્તાનની હિલચાલને નજર અંદાજ કરી શકાય તેમ નથી. તેનું કારણ ચીનની મદદથી પાકિસ્તાન એક મોટું બંદર બનાવી રહ્યું છે.

સામે પાર ચીનની ગતિવિધિ વધી છે. તેની સાથે સાથે પાકિસ્તાને પણ લશ્કરની ગતિવિધિ વધારી છે. સિરક્રીકની સામે પાકિસ્તાને પોતાના સીમા વિસ્તારમાં ૩૦ મીટર જેટલો ઉંચો ટાવર બનાવ્યો છે જેના દ્વારા પાક લશ્કર આપણી સરહદી હિલચાલ ઉપર નજર રાખી શકે છે.

તો, અહીં ખાસ હેલીપેડ પણ ઉભું કરાયું છે. જેનો ઉપયોગ પાકિસ્તાની લશ્કર કરે છે. આમ હવે ગુજરાતની કચ્છ સરહદે સામે પાર પાકિસ્તાને શરૂ કરેલી હિલચાલને હવે ગંભીરતાથી લેવાની જરૂર છે.

(10:55 am IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • સુરતના કાપડના વેપારી તુલસીસિંહ રાજપૂતના પુત્ર અમિતનો મૃતદેહ મળ્યોઃ હત્યા થઈ હોવાનું પરીવારજનોનો આક્ષેપ : મૃતદેહ સ્વીકાર ઈનકાર access_time 5:54 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST