Gujarati News

કિવ/મોસ્‍કો, તા.૧: રશિયા અને યુક્રેન વચ્‍ચેનું યુદ્ધ લાંબા સમયથી ચાલી રહ્યું છે. ન તો રશિયા પીછેહઠ કરવા તૈયાર છે અને ન તો યુક્રેન ઝુકવા તૈયાર છે. આવી સ્‍થિતિમાં યુક્રેનમાં ભારે તબાહી ચાલુ છે. આ દરમિયાન યુરોપિયન સંસદના પ્રમુખ રોબર્ટા મેત્‍સોલા કિવ જવા રવાના થઈ ગયા છે. તે જ સમયે, યુક્રેનના રાષ્ટ્રપતિ વોલોદિમિર ઝેલેન્‍સકીએ ઓસ્‍ટ્રેલિયા, નેધરલેન્‍ડ અને બેલ્‍જિયમની સંસદોને સંબોધિત કરતા કહ્યું કે હું હજી પણ રશિયા વિરુદ્ધ નક્કર પગલાંની રાહ જોઈ રહ્યો છું. જયાં સુધી હુમલાખોરની આક્રમકતા સમાપ્ત ન થાય ત્‍યાં સુધી અમારે તેના પર દબાણ કરવું પડશે.
ખાર્કિવમાં રશિયન સેના તરફથી જોરદાર હુમલો કરવામાં આવ્‍યો છે. સમાચાર અનુસાર, રશિયન સેના ગેસ પાઇપલાઇન પર મિસાઇલોથી હુમલો કરી રહી છે.
યુનાઈટેડ નેશન્‍સ હાઈ કમિશનર ફોર હ્યુમન રાઈટ્‍સના કાર્યાલય અનુસાર, રશિયા-યુક્રેન યુદ્ધમાં નાગરિકોને દ્યણું નુકસાન થયું છે. યુક્રેનમાં અત્‍યાર સુધીમાં ૧૨૩૨ નાગરિકોના મોત થયા છે. તે જ સમયે, ૧૯૩૫ લોકો ઘાયલ થયા છે.
રશિયાના હુમલા વચ્‍ચે યુક્રેનના રાષ્ટ્રપતિ વોલોડીમિર ઝેલેન્‍સકીએ દેશને સંબોધિત કર્યો. તેણે કહ્યું, અત્‍યાર સુધી જે કંઈ પણ થયું છે. આપણે આ બધું ભૂલીને ભવિષ્‍ય વિશે વિચારવું પડશે. આ યુદ્ધ પછી યુક્રેન કેવું હશે? આપણું જીવન કેવું હશે? આ આપણા ભવિષ્‍યની લડાઈ છે.
રશિયા-યુક્રેન યુદ્ધનો આજે ૩૮મો દિવસ છે. દરમિયાન, યુક્રેનના વિદેશ મંત્રાલયે પુષ્ટિ કરી છે કે રશિયાના હવાઈ હુમલામાં અત્‍યાર સુધીમાં યુક્રેનના ૧૫ એરપોર્ટ નાશ પામ્‍યા છે