Gujarati News

કોલંબો,તા. ૧: શ્રીલંકાના રાષ્ટ્રપતિ ગોટાબાયા રાજપક્ષેના નિવાસસ્‍થાનની બહાર થયેલા હિંસક વિરોધમાં પત્રકારો સહિત ઓછામાં ઓછા દસ લોકો દ્યાયલ થયા છે. એવું કહેવામાં આવી રહ્યું છે કે પ્રદર્શનકારીઓ અને પોલીસ વચ્‍ચેની અથડામણમાં ઘાયલ છ લોકોને કોલંબો નેશનલ હોસ્‍પિટલમાં દાખલ કરવામાં આવ્‍યા છે.જયારે અન્‍ય ચાર લોકોને કાલુબોવિલાની કોલંબો સાઉથ ટીચિંગ હોસ્‍પિટલમાં દાખલ કરવામાં આવ્‍યા છે.

હિંસક વિરોધમાં ઘાયલ થયેલા તમામ લોકો પુરુષો છે. જેમાં મોટાભાગના પત્રકારોનો સમાવેશ થાય છે. શ્રીલંકામાં વર્તમાન આર્થિક સ્‍થિતિનો ઉકેલ શોધવામાં નિષ્‍ફળ રહેલી સરકાર સામે લોકો રસ્‍તા પર ઉતરી આવ્‍યા છે. જયાં મિરિહાનામાં રાષ્ટ્રપતિ રાજપક્ષેના આવાસની બહાર પ્રદર્શનકારીઓની પોલીસ સાથે દ્યર્ષણ થયું.

દેખાવકારોના ઉશ્‍કેરાયેલા ટોળાએ શ્રીલંકાની સેનાની બસ અને એક જીપને આગ ચાંપી દીધી હતી. તણાવપૂર્ણ પરિસ્‍થિતિને જોતા પોલીસે કોલંબોના દ્યણા વિસ્‍તારોમાં કફ્‌ર્યુ લગાવી દીધો છે. આ વિસ્‍તારના પોલીસ અધિકારીઓના જણાવ્‍યા અનુસાર, કોલંબો નોર્થ, કોલંબો સાઉથ, કોલંબો સેન્‍ટ્રલ અને નુગેગોડા પોલીસ વિભાગોમાં આગામી સૂચના સુધી તાત્‍કાલિક અસરથી પોલીસ કફ્‌ર્યુ લાદવામાં આવ્‍યો છે.

નોંધપાત્ર રીતે, કોવિડ -૧૯ રોગચાળાને કારણે, સમગ્ર વિશ્વમાં પ્રવાસનને મોટી સંખ્‍યામાં અસર થઈ છે. શ્રીલંકાની અર્થવ્‍યવસ્‍થાનો મોટો હિસ્‍સો પ્રવાસનમાંથી આવે છે. જેના કારણે રોગચાળા દરમિયાન દેશની અર્થવ્‍યવસ્‍થાને ઘણું નુકસાન થયું છે અને હવે સ્‍થિતિ વધુ વણસી ગઈ છે.

હાલમાં શ્રીલંકા વિદેશી હૂંડિયામણની અછતનો સામનો કરી રહ્યું છે. જેના કારણે ઈંધણ, વીજળી અને ગેસની ભારે અછત છે. શ્રીલંકાએ આર્થિક મદદ માટે ભારત સહિત ઘણા મિત્ર દેશો પાસેથી મદદ માંગી છે. દિવસમાં ઓછામાં ઓછા ૧૦ કલાક માટે પાવર કટ છે. શ્રીલંકન ચલણ ૮ માર્ચે યુએસ ડોલર સામે લ્‍ન્‍ય્‍ ૯૦ ની આસપાસ અવમૂલ્‍યન થયું છે.