Gujarati News

નવી દિલ્‍હી,તા. ૧ : ન્‍ભ્‍ઞ્‍ સિલિન્‍ડરના નવા દરો આજે જાહેર કરવામાં આવ્‍યા છે. આ વખતે એલપીજી ગેસ સિલિન્‍ડર એક જ ઝાટકે ૨૫૦ રૂપિયા મોંદ્યુ થઈ ગયું છે. આ વધારો ઘરેલુ એલપીજી સિલિન્‍ડરમાં નહીં પરંતુ કોમર્શિયલ ગેસ સિલિન્‍ડરમાં થયો છે. તેથી સ્‍થાનિક એલપીજી સિલિન્‍ડર ગ્રાહકોને હાલ માટે રાહત મળી છે. કારણ કે, માત્ર ૧૦ દિવસ પહેલા જ ઘરેલુ એલપીજી સિલિન્‍ડરના ભાવમાં વધારો કરવામાં આવ્‍યો હતો, જયારે ૨૨ માર્ચે કોમર્શિયલ સિલિન્‍ડર સસ્‍તો થયો હતો.

લાંબા સમય બાદ ૨૨ માર્ચથી પેટ્રોલ-ડીઝલ અને એલપીજી ગ્રાહકોને મોંઘવારીનો આંચકો લાગ્‍યો છે. આ દિવસે, બિન-સબસિડીવાળા ઘરેલુ એલપીજી સિલિન્‍ડરમાં ૫૦ રૂપિયાનો વધારો થયો છે. કારણ કે ૬ ઓક્‍ટોબર ૨૦૨૧ પછી ઘરેલુ એલપીજી સિલિન્‍ડરના દરમાં કોઈ ફેરફાર થયો નથી. આજે એટલે કે નવા નાણાકીય વર્ષના પ્રથમ દિવસે પણ, ઘરેલું એલપીજી સિલિન્‍ડર દિલ્‍હીમાં ૯૪૯.૫૦ રૂપિયા, કોલકાતામાં ૯૭૬ રૂપિયા, મુંબઈમાં ૯૪૯.૫૦ રૂપિયા અને ચેન્નાઈમાં ૯૬૫.૫૦ રૂપિયામાં રિફિલ થઈ રહ્યું છે.

દિલ્‍હીમાં ૧લી માર્ચે ૨૦૧૨માં ૧૯ કિલોનું એલપીજી સિલિન્‍ડર રિફિલ કરવામાં આવતું હતું, તે ૨૨મી માર્ચે ઘટીને ૨૦૦૩ રૂપિયા થઈ ગયું હતું. પરંતુ આજથી તેને દિલ્‍હીમાં રિફિલ કરાવવા માટે ૨૨૫૩ રૂપિયા ખર્ચવા પડશે. તે જ સમયે, કોલકાતામાં ૨૦૮૭ રૂપિયાને બદલે હવે ૨૩૫૧ રૂપિયા અને મુંબઈમાં ૧૯૫૫ને બદલે ૨૨૦૫ રૂપિયા આજથી ખર્ચવા પડશે. ચેન્નાઈમાં હવે તેની કિંમત ૨૧૩૮ રૂપિયાને બદલે ૨૪૦૬ રૂપિયા થશે.

તમને જણાવી દઈએ કે ૧ માર્ચે ૧૯ કિલોના કોમર્શિયલ સિલિન્‍ડરના ભાવમાં ૧૦૫ રૂપિયાનો વધારો કરવામાં આવ્‍યો હતો અને ૨૨ માર્ચે તે ૯ રૂપિયા સસ્‍તો થયો હતો. તે જ સમયે, ઓક્‍ટોબર ૨૦૨૧ થી ૧ ફેબ્રુઆરી, ૨૦૨૨ ની વચ્‍ચે, કોમર્શિયલ સિલિન્‍ડરની કિંમતમાં ૧૭૦ રૂપિયાનો વધારો થયો છે. ૧ ઓક્‍ટોબરે દિલ્‍હીમાં કોમર્શિયલ સિલિન્‍ડરની કિંમત ૧૭૩૬ રૂપિયા હતી. નવેમ્‍બર ૨૦૨૧માં તે ૨૦૦૦ થઈ ગયો અને ડિસેમ્‍બર ૨૦૨૧માં ૨૧૦૧ રૂપિયા થઈ ગયો. આ પછી, જાન્‍યુઆરીમાં તે ફરીથી સસ્‍તું થયું અને ફેબ્રુઆરી ૨૦૨૨ માં તે સસ્‍તું થયું અને ૧૯૦૭ રૂપિયા થયું. આ પછી, ૧ એપ્રિલ ૨૦૨૨ ના રોજ, તે ૨૨૫૩ રૂપિયા પર પહોંચી ગયો. (૨૨.૫)