News of Friday, 1st April 2022
નવી દિલ્હી,તા. ૧ : ગયા વર્ષે સમાચાર આવ્યા હતા કે મધ્ય પ્રદેશમાં એક દંપતીએ ભારતમાં ખૂબ જ દુર્લભ પાકની રક્ષા માટે સુરક્ષા ગાર્ડ અને કૂતરાઓ તૈનાત કર્યા છે. આ કામ તેમણે આ મિયાઝાકી કેરીના પાકને બચાવવા માટે કર્યું જે મુખ્યત્વે જાપાનમાં ઉગાડવામાં આવે છે. દંપતીએ એવું નહોતું કહ્યું કે તેમને ટ્રેનમાં એક વ્યક્તિએ છોડના રોપા આપ્યા હતા. અમે તમને જણાવી દઈએ કે આ કેરી ભારત અને દક્ષિણ પૂર્વ એશિયામાં લોકપ્રિય કેરીની સામાન્ય અને અન્ય જાતોની તુલનામાં તેના અલગ દેખાવ અને રંગ માટે લોકપ્રિય છે. મધ્યપ્રદેશના દંપતીએ જણાવ્યું કે ફળનો રંગ રૂબી છે. આ કેરીઓને ‘સૂર્યના ઇંડા' (જાપાનીઝમાં તાઈયો-નો-તામાગો) તરીકે પણ ઓળખવામાં આવે છે.
આ કેરીઓ જાપાનના ક્યુશુ પ્રાન્તની મિયાઝાકી શહેરમાં ઉગાડવામાં આવે છે. તેથી જ તેને મિયાઝાકી નામ મળ્યું. આ કેરીઓનું વજન ૩૫૦ ગ્રામથી વધુ છે અને તેમાં ખાંડનું પ્રમાણ ૧૫% કે તેથી વધુ છે. જાપાનમાં મિયાઝાકી લોકલ પ્રોડક્ટ્સ એન્ડ ટ્રેડ પ્રમોશન સેન્ટરના જણાવ્યા અનુસાર, આ કેરી એપ્રિલ અને ઓગસ્ટ વચ્ચે પીક હાર્વેસ્ટ દરમિયાન ઉગાડવામાં આવે છે.
જાપાની મીડિયાના અહેવાલો અનુસાર, મિયાઝાકી કેરી વિશ્વમાં સૌથી મોંઘી છે અને ગયા વર્ષે આંતરરાષ્ટ્રીય બજારમાં રૂ. ૨.૭૦ લાખ પ્રતિ કિલોના ભાવે વેચાઈ હતી. જાપાનીઝ ટ્રેડ પ્રમોશન સેન્ટર અનુસાર, મિયાઝાકી એ ‘ઇર્વિન' કેરીનો એક પ્રકાર છે, જે દક્ષિણપૂર્વ એશિયામાં વ્યાપકપણે ઉગાડવામાં આવતી પીળી ‘પેલિકન કેરી' થી અલગ છે.
મિયાઝાકીની કેરી સમગ્ર જાપાનમાં મોકલવામાં આવે છે, અને જાપાનમાં ઓકિનાવા પછી બીજા ક્રમે સૌથી વધુ ઉત્પાદન ધરાવે છે. રેડ પ્રમોશન સેન્ટર જણાવે છે કે આ કેરીઓ એન્ટીઓકિસડન્ટોથી સમૃદ્ધ છે અને તેમાં બીટા-કેરોટિન અને ફોલિક એસિડ હોય છે, જે થાકેલી આંખો માટે મદદની જરૂર હોય તેવા લોકો માટે ઉત્તમ છે. તેઓ ઓછી દ્રષ્ટિને રોકવામાં પણ મદદ કરે છે.
મિયાઝાકીમાં આ કેરીનું ઉત્પાદન ૭૦ના દાયકાના અંતમાં અને ૮૦ ના દાયકાની શરૂઆતમાં શરૂ થયું હતું. શહેરના ગરમ હવામાન, લાંબા સમય સુધી સૂર્યપ્રકાશ અને પુષ્કળ વરસાદે મિયાઝાકીના ખેડૂતો માટે કેરીની ખેતી તરફ વળવાનું શક્ય બનાવ્યું છે, અહેવાલમાં જણાવાયું છે. તે હવે અહીંનું મુખ્ય ઉત્પાદન છે.
મિયાઝાકી કેરીની નિકાસ કરતા પહેલા તેની કડક તપાસ અને પરીક્ષણ કરવામાં આવે છે. જેઓ ઉચ્ચતમ ગુણવત્તાના ધોરણને પાસ કરે છે તેમને ‘સૂર્યનું ઇંડા' કહેવામાં આવે છે. આ કેરીઓ દ્યણીવાર લાલ રંગની હોય છે અને તેનો આકાર ડાયનાસોરના ઈંડા જેવો હોય છે. હવે તેમની ખેતી ભારતમાં પણ શરૂ થઈ ગઈ છે. જો તમારે આ કેરીઓ ઉગાડવી હોય તો તમારે પહેલા આ માહિતી એકત્રિત કરવી પડશે. જો તમે તેમનો પાક ઉગાડશો, તો મોટો નફો થઈ શકે છે. તેમને ખાસ વાતાવરણ વગેરેની જરૂર પડશે. તમારે પહેલા આ બધી માહિતી મેળવવી પડશે.