Gujarati News

નવીદિલ્હીઃ પશ્ચિમી તુર્કીના સેલચુકમાં દરવર્ષે ઉંટની કુશ્તીનું સૌથી મોટું આયોજન થાય છે. ૨૦૨૨ના આ ૪૦માં કેમલ રેસલિંગ ફેસ્ટિવલમાં ભાગ લેવા માટે ૧૫૦ ઊંટ પહોંચ્યા છે. એકથી વધીને એક સજેલા ઊંટ રેતમાં એક-બીજા સાથે કુસ્તી કરે છે. તુર્કીના એઝિવન તટ પર ઈજમિર શહેરથી સેલચુકની દૂરી લગભગ ૮૦ કિલોમીટર છે, જ્યાં ઊંટાની કુસ્તીનો આ સૌથી મોટો ઉત્સવ જોવા માટે લોકો દૂર દૂરથી આવે છે. ઊંટ એક-બીજાને ઈજા ન પહોંચાડે એટલા માટે તેમના મોં બાંધવામાં આવે છે. જે પ્રાંગણમાં ઊંટોની કુસ્તી થાય તે તેની પાસેના પહાડ પર પણ હજારો લોકો ખુર્શી-ટેબલ લઈને બેસી જાય છે.

બારબેક્યૂ પર ભોજન પકાવવામાં આવે છે અને ઊંટોની કુસ્તીની સાથે સાથે ભોજનનો પણ ભરપૂર આનંદ લઈ શકે છે. પશુ અધિકારો માટે કામ કરતા લોકો આ આયોજનથી નાખુશ છે. એનિમલ રાઈટ્સ ફેડરેશનની ઈજમિર પ્રતિનિધી ગુલગુન હમામચિઓગ્લૂ કહે છે કે, આ એક ગુનો છે, આ માત્ર નફો કમાવા માટે કરવામાં આવે છે. જે શરમજનક છે. તેને રોકવું જોઈએ. પર્યટન મંત્રાલયના એક પૂર્વ અધિકારી અનુસાર, આ એક ખેલ છે અને તેમાં ઊંટોની સુરક્ષાનું પુરતું ધ્યાન રાખવામાં આવે છે.