Gujarati News

Gujarati News

News of Saturday, 9th January 2021

નોર્થ કોરિયાના સરમુખ્ત્યારે વિશ્વના અનેક દેશોને આપી આ ધમકી

નવી દિલ્હી: નોર્થ કોરિયાના સરમુખત્યાર કીમ જોંગે કહ્યું હતું કે પાશ્ચાત્ય દેશો અમારી સાથેનું વર્તન બદલશે નહીં તો અમારે અણુશસ્ત્રો વાપરવા પડશે. તેમણે અમેરિકાને નોર્થ કોરિયાનું સૌથી મોટું દુશ્મન ગણાવ્યું હતું. સ્ટેટ મિડિયાના રિપોર્ટ મુજબ કીમ જોંગે કહ્યું કે અમેરિકા પોતાનું વલણ બદલે છે કે નહીં એના પર એની સાથેના નોર્થ કોરિયાના સંબંધનો આધાર છે. અમારી સાથેના સંબંધોમાં અમેરિકા પોતાનું હાલનું વલણ નહીં બદલે તો અમે અણુશસ્ત્ર વાપરતાં અચકાશું નહીં એવી ધમકી તેણે ઉચ્ચારી હતી.

કીમ જોંગે અમેરિકામાં બદલાનારા પ્રમુખ અને વહીવટી તંત્રનું નામ લીધા વિના કહ્યું કે હવે અમેરિકાએ જાતે નક્કી કરવાનું છે કે એ અમારી સાથે કેવા સંબંધો રાખવા માગે છે. અમે અમારા વલણમાં સ્પષ્ટ છીએ. કોઇ પણ સંબંધ એકપક્ષી હોઇ શકે નહીં. બંને તરફથી સરખાં પગલાં લેવાવાં જોઇએ. જોંગનાં વિધાનો એક પ્રકારની ધમકી જેવાં હતાં.

(4:35 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 18,452 કેસ નોંધાયા :કુલ કેસની સંખ્યા 1,04,32,525 થઇ :એક્ટિવ કેસ 2,21,459 થયા: વધુ 19,229 દર્દીઓ સ્વસ્થ થતા કુલ 1,00,55,922 થયા :વધુ 229 લોકોના મોત સાથે કુલ મૃત્યુઆંક 1,50,835 થયો access_time 12:57 am IST

  • 11 જાન્યુઆરીએ સાંજે 4 વાગ્યે વડાપ્રધાન મોદી તમામ રાજ્યોના મુખ્યમંત્રીઓ સાથે વાતચીત કરશે. અને દેશવ્યાપી રસીકરણ 12 કે 13 જાન્યુઆરીથી શરૂ થવાની સંભાવના છે તેમ ન્યૂઝફર્સ્ટ જણાવે છે. access_time 9:10 pm IST

  • ટીમ ઈન્ડિયા ૨૪૪ રનમાં ઓલઆઉટ : ચેતેશ્વરની ફીફટી : કાંગારૂઓને ૯૪ રનની લીડ સીડની ટેસ્ટના ત્રીજા દિવસે ભારત ૧૦૦.૪ ઓવરમાં ૨૪૪ રને ઓલઆઉટ : ટીમ ઈન્ડિયાના બેટ્સમેનોઍ નિરાશ કર્યા, ઍકમાત્ર ચેતેશ્વરે ફીફટી ફટકારી : જાડેજા ૨૮ રને નોટઆઉટ : કમીન્સને ૪, હેઝલવૂડને ૨ અને સ્ટાર્કને ૧ વિકેટ. access_time 10:10 am IST