Gujarati News

Gujarati News

News of Thursday, 29th October 2020

ગાંધીનગર જિલ્લાના કલોલ શહેરમાં મોબાઈલ એપ્લિકેશનની મદદથી આઇપીએલ પર સટ્ટો રમતા યુવાનને પોલીસે ઝડપી 6 હજારથી વધુનો મુદામાલ જપ્ત કર્યો

ગાંધીનગર:જિલ્લાના કલોલ શહેરમાં ગાયત્રી મંદિર પાસે મોબાઈલમાં એપ્લીકેશનની મદદથી આઈપીએલ ક્રિકેટ ઉપર સટ્ટો રમતાં કલોલના યુવાનને શહેર પોલીસે ઝડપી લીધો હતો. જેની પાસેથી છ હજાર ઉપરાંતનો મુદ્દામાલ કબ્જે કરવામાં આવ્યો છે જયારે યુજર આઈડી અને પાસવર્ડ આપનાર શખ્સની પણ શોધખોળ શરૂ કરવામાં આવી છે.  

જિલ્લામાં હાલ આઈપીએલ ક્રિકેટ મેચ ઉપર સટ્ટાની પ્રવૃતિ વધી રહી છે ત્યારે પોલીસ પણ બાતમીદારોને સક્રિય કરી આવા સટોડીયાઓને શોધી રહી છે. ત્યારે કલોલ શહેરમાં પોલીસ ટીમ પેટ્રોલીંગમાં હતી તે દરમ્યાન બાતમી મળી હતી કે ગાયત્રી મંદિર નજીક નાસ્તા હાઉસ પાસે એક ઈસમ આઈપીએલ ક્રિકેટ મેચ ઉપર સટ્ટો રમી રહયો છે જે બાતમીના આધારે પોલીસ ટીમે દરોડો પાડતાં નિલેશ મદનલાલ રાજપૂત રહે.મકાન નં.૧૩, સૃષ્ટી રોહાઉસ, બોરીસણા ગામ કલોલને ઝડપી પાડયો હતો. જેની પાસેથી મોબાઈલ અને રોકડ મળી છ હજાર ઉપરાંતનો મુદ્દામાલ કબ્જે કરવામાં આવ્યો હતો. જે યુવાનની પુછપરછમાં તેણે મોબાઈલ એપ્લીકેશનમાં સટ્ટો રમવા માટે પ્રભુ નામના શખ્સે યુઝર આઈડી અને પાસવર્ડ આપ્યો હતો. જેથી પોલીસે આ યુવાન સામે પણ ગુનો નોંધી તેની શોધખોળ શરૂ કરી છે. 

(5:45 pm IST)
  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST