Gujarati News

Gujarati News

News of Thursday, 29th October 2020

વડોદરાના ન્યુ વીઆઈપી રોડ પર પડેલ ભુવામાં કોર્પોરેશનનો ટ્રક ખાબકતા મનપાની નબળી કામગીરી સામે આવી

વડોદરા: સ્માર્ટ સિટી તરીકે વડોદરા શહેરની મોટી જાહેરાતો કરવામાં આવે છે પરંતુ વડોદરામાં ઠેકાણે પડી રહેલા ભુવા અને કોર્પોરેશને ખોદેલા ખાડાને કારણે વડોદરાનું નામ ખાડોદરા પડી ગયું છે.

વડોદરામાં ઠેકઠેકાણે ખોડાતા ખાડાઓનું પુરાણ યોગ્ય રીતે કરવામાં નહીં આવતું હોવાથી સામાન્ય નાગરિકો અને વાહનચાલકો તો હેરાન થતાં હોય છે. વડોદરા શહેરના ખોડીયાર નગર વિસ્તાર પાસે અને નવાપુરા બગીખાના પાસે કોર્પોરેશનને ખોદેલા ખાડાના પૂર બાદ હલકી કક્ષાની કામગીરીને કારણે કોર્પોરેશનની પાઇપો અને રસ્તો બનાવવાનું માલ ભરેલી ટ્રક ખાડામાં ફસાઈ ગઈ હતી. વડોદરા શહેરમાં પાણી ડ્રેનેજ વરસાદી ગટર ના કામો માટે ખોદકામ કરવામાં આવે છે તે બાદ જે માટીપુરાણ થવું જોઈએ તે ઇજારદારઓ દ્વારા યોગ્ય રીતે કરવામાં આવતું નથી અને તેની ઉપર નવો રસ્તો પણ બનાવી દેવામાં આવે છે. પરંતુ હલકી કક્ષાની કામગીરીને કારણે ઠેર-ઠેર રસ્તાઓ ઉબડ ખાબડ થઈ જાય છે એટલું જ નહીં ભારદારી વાહનો પસાર થતા હોય છે ત્યારે આવી હલકી કક્ષાની કામગીરીને કારણે ખાડામાં ફસાઈ પડતાં હોય છે.

(5:39 pm IST)
  • કેરાળાના પૂર્વ મુખ્ય સચિવની ઈડીએ ધરપકડ કરી: કેરાળાના ગોલ્ડ સ્મગલિંગ કેસમાં પૂર્વ મુખ્ય સચિવ અને સસ્પેન્ડ કરાયેલા આઈએએસ ઓફિસર એમ શિવશંકરની ઈડીએ ધરપકડ કરી છે. access_time 11:38 am IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST