Gujarati News

 રાજકોટ તા.૨૫, ક્રિમીનલ ટ્રેકિંગ કાર્યક્રમ અંતર્ગત ગુજરાત પોલીસ દ્વારા  E Guj cop અંતર્ગત દેશમાં નમૂનેદાર કામગીરી બદલ ગુજરાતના પોલીસ વડા આશિષ ભાટિયા ટીમને નેશનલ ક્રાઇમ રેકોર્ડ દ્વારા વિશેષ એવોર્ડથી સન્માનિત કરવામાં આવ્યા છે.

 CCTNS અને ICEJS પ્રોજેકટ અંતર્ગત દેશમાં અદ્વિતિય કામગીરી બદલ સ્ટેટ ક્રાઇમ રેકોર્ડના વડાં એવા આઇજી તથા પ્રોજેકટના નોડલ ઓફિસર અર્ચના શિવહરેને પણ આ પ્રતિષ્ઠિત એવોર્ડથી વિભૂષિત કરવા આવ્યા છે.

 વિવિધ કેટેગરીમાં ગુજરાતે કરેલ આવી કાબિલે દાદ કામગીરી બદલ કેન્દ્ર સરકારના રાજય લેવલના ગૃહમંત્રી ક્રિષ્ના રાય હસ્તે આ પ્રતિષ્ઠિત એવોર્ડ મુખ્ય ડીજી અને આઇજીને મળતા ગુજરાત સરકારની ખુશીની કોય સીમા નથી.રાજય પોલીસ તંત્ર પણ આવા ચંદ્રક થી ખુશ ખુશાલ છે.

અત્રે યાદ રહે કે ટેકનો સેવી પોલીસ  કમિશનર મનોજ અગ્રવાલની રાહબરી હેઠળ રાજકોટ પોલીસ દ્વારા પણ ખૂબ સુંદર કામગીરી થાય છે.સૂત્રોમાંથી સાંપડતા નિર્દેશ મુજબ રાજકોટ પોલીસ દ્વારા થતી કામગીરી ગુજરાતભરમાં ૯૪થી ૯૫ ટકા માર્કસ મેળવી રાજકોટની શાન વધારી છે.