Gujarati News

Gujarati News

News of Wednesday, 16th September 2020

ગુજરાતમાં સૌપ્રથમ વખત ધર્મ, જાતિ, પિતાના નામ - અટકના ઉલ્લેખ વગરનું LC અપાયું

વિદ્યાર્થીનીના પિતાએ નાત -જાત કે ધર્મના ભેદભાવથી ઉપર ઉઠી અને આ પ્રકારની માન્યતાઓને નાબૂદ કરવાના મક્કમ ઇરાદા સાથે શાળાને વિનંતી કરી હતી

અમદાવાદ,તા.૧૬: ગુજરાતમાં સૌ પ્રથમ વખત અમદાવાદના ચાંદખેડા વિસ્તારમાં સ્થિત એચ.ડી. સનરાઈઝ ઈંગ્લિશ સ્કૂલે એવું લિવિંગ સર્ટિફિકેટ ઈસ્યુ કર્યું છે કે, જેમાં વિદ્યાર્થિનીના ધર્મ, જાતિ, અટક અને પિતાના નામનો ઉલ્લેખ કરવામાં આવ્યો નથી.

વિદ્યાર્થિનીના પિતાએ નાત-જાત કે ધર્મના ભેદભાવથી ઉપર ઉઠી અને આ પ્રકારની માન્યતાઓને નાબૂદ કરવાના મક્કમ ઈરાદા સાથે શાળાને વિનંતી કરી હતી કે, તેની દિકરીના લિવિંગ સર્ટિફિકેટમાં ધર્મ, જાતિ, અટક અને પિતાના નામનો ઉલ્લેખ કરવો નહીં, આ રજૂઆતને શાળાએ માન્ય રાખીને આવું લિવિંગ સર્ટિફિકેટ વિદ્યાર્થિનીને આપ્યું છે.

આ પ્રકારનું લિવિંગ સર્ટિફિકેટ મેળવતા પહેલાં વિદ્યાર્થિનીના પિતાએ ગાંધીનગરના જિલ્લા કલેકટરને પત્ર લખીને વિનંતી કરી હતી. જે પછી આ પત્ર કલેકટરે જિલ્લા શિક્ષણાધિકારીને ફોરવર્ડ કર્યો હતો. ત્યારબાદ ડીપીઈઓએ શાળાને નિર્દેશ આપ્યો હતો કે આ બાબતમાં કાયદા મુજબ પગલાં લેવા.

જો કે શાળાએ પહેલાં તો આ પ્રકારનું લિવિંગ સર્ટિફિકેટ આપવાની ના પાડી હતી. જેથી વિદ્યાર્થિનીના પિતાએ ગાંધીનગર કલેકટરને રૂબરું રજૂઆત કરી હતી. ત્યારબાદ શાળાએ આ લિવિંગ સર્ટિફિકેટ આપ્યું છે. વિદ્યાર્થિનીના પિતાનું માનવું છે કે જો પિતા કે અટકનો ઉલ્લેખ બાળકના નામ પાછળ ન હોય તો ભવિષ્યમાં બાળક કોઈ બાબતથી પીડિત બન્યું હોય તો પિતા કે અટકના ચક્કરમાં ફસાયા વગર માનસિક ત્રાસમાંથી બચી જાય છે.

મહત્વનું છે કે વર્ષ ૨૦૧૬માં મદ્રાસ હાઈકોર્ટે એક જાહેરહિતની અરજીમાં ચુકાદો આપેલો છે કે, બંધારણના આમુખ મુજબ જો જાતિવિહીન સમાજની રચના કરવી હોય તો લોકોને તેમના ધર્મ, જાતિ દર્શાવવા માટે ફરજ પાડવી જોઈએ નહીં. જે ચુકાદા બાદ તામિલનાડુની સ્નેહા નામની યુવતી જાતિ કે ધર્મ વગરનું લિવિંગ સર્ટિફિકેટ મેળવનારી દેશની પ્રથમ નાગરિક બની હતી.

(11:26 am IST)
  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • દેશમાં ૪,૯૮૨ આઈપીએસ અધિકારીઓ : ૧લી જાન્યુઆરી ૨૦૨૦ના રોજ દેશમાં આઈપીએસ (પોલીસ ઓફીસરો)ની સંખ્યા ૪,૯૮૨ હતી તેમ મોદી સરકારે સંસદમાં જણાવ્યુ access_time 11:17 am IST

  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST