Gujarati News

Gujarati News

News of Wednesday, 14th February 2018

શનિવારથી મુંદરા - અમદાવાદ અને જામનગર - અમદાવાદ વચ્ચે વિજયભાઇના હસ્તે હવાઇ સેવાનો પ્રારંભ

શનિવારથી મુંદરા - અમદાવાદ અને જામનગર - અમદાવાદ વચ્ચે વિજયભાઇના હસ્તે હવાઇ સેવાનો પ્રારંભ

ભુજ તા.૧૪ : મુંદરા-અમદાવાદ વચ્ચે આખરે આગામી શનિવાર ૧૭મી ફેબ્રુઆરીથી ફલાઇટ સેવાનો પ્રારંભ થઇ રહ્યો છે. ભુવનેશ્વરની કંપની એર ઓડિશા દ્વારા ૧૭મીએ મુખ્યમંત્રી વિજય રૂપાણીની ઉપસ્થિતિમાં મુંદરા-અમદાવાદ અને જામનગર-અમદાવાદ વચ્ચે હવાઇ સેવાનો પ્રારંભ કરાશે.

કેન્દ્ર સરકારની ઉડે દેશ કા આમ નાગરિક (ઉડાન) યોજના અંતર્ગત કંડલા અને મુંબઇ અને મુંદરા-અમદાવાદ વચ્ચે હવાઇ સેવા શરૂ કરવાનું આયોજન થયુ હતુ. જો કે એર ઓડિશા પાસે પ્રાદેશિક સ્તરની હવાઇ સેવા શરૂ કરવા માટે ડિરેકટર જનરલ ઓફ એવિએશનમાંથી મેળવવાનુ રહેતુ શિડયુલ્ડ કોમ્પ્યુટર ઓપરેટર (એસીઓ) તરીકેનું લાયસન્સના હોઇ આ સેવા શરૂ થઇ શકી ન હતી.

ડીજીસીએ દ્વારા ગઇકાલ ૧૩મી તારીખે એસસીઓ તરીકે પરમીટ મળી ગઇ છે અને ૧૭મીથી ગુજરાતના બંને રૂટ પર હવાઇ સેવાનો શુભારંભ કરાશે તેમ એર ઓડિશાના ઓપરેશન હેડ સતિષ પાનીએ જણાવ્યુ છે. રપમીથી અમદાવાદ-દિવ વચ્ચે ફલાઇટ શરૂ કરાશે. જેનો શુભારંભ વડાપ્રધાન નરેન્દ્રભાઇ મોદીના હસ્તે થાય તેવી શકયતા છે. ૧૯ બેઠકોવાળા બીચક્રાફટ-બી-૧૯૦૦-ડી પ્લેનથી આ સેવાનો પ્રારંભ કરાશે.

ઉલ્લેખનીય છે કે, એર ઓડિશાએ પ્રાદેશિક હવાઇ સેવા માટે એર ડેક્કન સાથે વ્યુહાત્મક ભાગીદારી કરી છે અને તેને ઉડાન પ્રોજેકટ હેઠળ દિલ્હી, અમદાવાદ, ભુવનેશ્વર, ચેન્નાઇ વગેરે શહેરોને સાકળતા પ૦ રૂટ પર સેવા શરૂ કરવા મંજુરી મળેલી છે.

(4:23 pm IST)
  • ગોવાના મુખ્યમંત્રી મનોહર પર્રિકરની તબિયત લથડી ;મુંબઈની લીલાવતી હોસ્પિટલમાં દાખલ કરાયા : access_time 1:08 am IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST