Gujarati News

બનાવની વિગત મુજબ મેઘાણીનગરમાં ગીરધનગરમાં માકુભાઈની ચાલીમાં રહેતા બીપીનભાઈ જયંતિભસાઈ પરમાર રીક્ષા ચલાવી પરિવારનું ગુજરાન ચલાવતા હતા. ગત તા7મીના રાત્રે ઘર તરફ આવતા બીપીનભાઈની રીક્ષામાં રામેશ્વર ચાર રસ્તાથી બે પેસેન્જરે સિવિલ કોર્નર જવા માટે બેઠા હતા. મેઘાણીનગર એફએસએલ કોર્નર પોલીસ કમિશનરના બંગલો પાસે બે જણાએ રીક્ષા ઉભી રખાવી હતી. બીપીનભાઈએ ભાડું માંગતા બન્ને શખ્સે તેરે પર્સ ઓર મોબાઈલ દે દે તેમ કહ્યું હતું. બીપીનભાઈએ પર્સ અને મોબાઈલ આપવાની ના પાડી ભાડું માગ્યું હતું. દરમિયાનમાં ઉશ્કેરાયેલા બન્ને શખ્સે બીપીનભાઈને ચાકુના ઘા મારી દીધા હતા. આરોપીઓએ બીપીનભાઈને ડાબા પગના સાથળે, પેટ અને પેઢુના ભાગે ત્રણ ઘા માર્યા હતા. બીપીનભાઈએ પ્રતિકાર કરતા આરોપીઓ ભાગી ગયા હતા. બનાવ અંગે સ્થાનિકોએ બીપીનભાઈને સારવાર અર્થે 108માં અસારવા સિવિલ ખસેડયા હતા.