Gujarati News

સીટીલાઈટ વિસ્તારમાં દેવપ્રયાગ એપાર્ટમેન્ટમાં રહેતા ફરિયાદી ટીકમચંદ લુણાવતને લોકર તથા શેરબજારને લગતું કામ કરતાં આરોપી હિરેનકુમાર શેરદલાલ (રે.અર્પણ એપાર્ટમેન્ટ, નાનપુરા ટીમલીયાવાડ)ધંધાકીય સંબંધોના નાતે વર્ષ-2011 થી વર્ષ-2015 દરમિયાન કુલ રૃ.6.50 લાખ હાથ ઉછીના આપ્યા હતા.જેના પેમેન્ટ પેટે આરોપીએ વ્યાજ સહિત આપેલા કુલ રૃ.7.26 લાખના બે ચેક રીટર્ન થતા કોર્ટમાં ફરિયાદ નોંધાવી હતી.  અલબત્ત આરોપી પ્લી રેકર્ડ બાદ  વિરુધ્ધ કેસ કાર્યવાહી દરમિયાન આરોપી જાતે કે તેના કાનુની બચાવ માટે તેમના વકીલ કોર્ટ કાર્યવાહીથી અળગા રહ્યા હતા. વોરંટ બજ્યા વગર પરત આવતા આરોપીએ સ્વેચ્છાએ બચાવ માટે હક જતો કર્યાનું માની કોર્ટે  આરોપીનું વિશેષ નિવેદન, ફરિયાદીની ઉલટ તપાસનો હક્ક બંધ કર્યો હતો. અને આરોપી હિરેનકુમારની શેરદલાલની ની ગેરહાજરીમાં  તેને દોષી ઠેરવ્યો હતો. અને આરોપી વિરુધ્ધ બિનજામીનલાયક વોરંટ ઈસ્યુ કરીને સજાનો અમલ કરવા સક્ષમ અધિકારીને નિર્દેશ આપ્યો છે.