Gujarati News

Gujarati News

News of Friday, 9th February 2018

અમદાવાદમાં પારો ગગડી ૯.૮ : ઠંડીમાં ફરી વધારો

લઘુત્તમ તાપમાનમાં એકાએક મોટો ઘટાડોઃ રાજ્યના પાટનગર ગાંધીનગરમાં પણ પારો ૧૦થી નીચે

અમદાવાદમાં પારો ગગડી ૯.૮ : ઠંડીમાં ફરી વધારો

અમદાવાદ,તા. ૯, અમદાવાદ શહેર સહિત રાજ્યમાં ફરીએકવાર ઠંડીનો ચમકારો જોવા મળી રહ્યો છે. આજે અમદાવાદ શહેરમાં પારો ૧૦થી પણ નીચે પહોંચી ગયો હતો. અમદાવાદ શહેરમાં લઘુત્તમ તાપમાન ૯.૮ ડિગ્રી નોંધાયું હતું. રાજ્યના અનેક વિસ્તારોમાં પણ પારો ૧૦થી નીચે પહોંચ્યો હતો જેમાં પાટનગર ગાંધીનગરનો સમાવેશ થાય છે. ગાંધીનગરમાં લઘુત્તમ તાપમાન ૯ ડિગ્રી નોંધાયું હતું. એકાએક અમદાવાદમાં લઘુત્તમ તાપમાન ઘટીને ૯.૮ થયું છે જે ગઇકાલે ૧૩.૩ રહ્યું હતું એટલે કે ચાર ડિગ્રીની આસપાસ લઘુત્તમ તાપમાનમાં ઘટાડો થયો છે. આજે સવારે ઠંડીનો ચમકારો લોકોએ અનુભવ્યો હતો. જો કે, અન્ય કેટલાક વિસ્તારોમાં લઘુત્તમ તાપમાનમાં વધારો પણ થયો છે. નલિયામાં ગુરુવારના દિવસે ૮.૨ ડિગ્રી લઘુત્તમ તાપમાન નોંધાયું હતું જેની સામે નલિયામાં લઘુત્તમ તાપમાન વધીને ૧૧.૪ ડિગ્રી તાપમાન થયું છે. હવામાન વિભાગ તરફથી જણાવવામાં આવ્યું છે કે, નિચલી સપાટી ઉપર ઉત્તરપૂર્વીય પવનો હાલમાં ફુંકાઈ રહ્યા છે જેથી લઘુત્તમ તાપમાનમાં ફેરફારની સ્થિતિ જોવા મળી રહી છે. બેવડી સિઝનનો અનુભવ લોકો કરી રહ્યા છે. બપોરના ગાળામાં લોકો ગરમીનો અનુભવ કરી રહ્યા છે જ્યારે વહેલી સવારે અને મોડી સાંજે ઠંડી પણ જોવા મળી રહી છે. બેવડી સિઝનના કારણે લોકો પરેશાન થયેલા છે. હાલના તાપમાન વચ્ચે રાજયના અનેક વિસ્તારોમાં શરદી, ખાંસી, દમ, અસ્થમા જેવા રોગના દર્દીઓની હાલત કફોડી બની જવા પામી છે. અમદાવાદ સહિત રાજ્યભરમાં હવે મિશ્ર સ્થિતિ જોવા મળી રહી છે. ઠંડી અને ગરમીનું પ્રમાણ હોવાના કારણે લોકો પરેશાન થયેલા છે. અમદાવાદ સહિત રાજ્યભરમાં લઘુત્તમ તાપમાનમાં ફેરફાર થવાના કારણે હવે ઇન્ફેક્શન સબંધિત બિમારીનો ખતરો પણ તોળાઈ રહ્યો છે.

રાજયમાં સરહદી જિલ્લા એવા કચ્છના  નલિયાની સાથે બનાસકાંઠાના ડિસા સહિતના રણને અડીને આવેલા વિસ્તારોમાં વસતા લોકોને હવે પહેલાની સરખામણીમાં ઠંડીથી રાહત થઇ છે પરંતુ હજુ પણ પારો ખુબ નીચે પહોંચેલો છે. અમદાવાદમાં હવે મિશ્ર વાતાવરણ જોવા મળી રહ્યું છે. સવારમાં ઠંડી અને બપોરના ગાળામાં ગરમીનો અનુભવ થઇ રહ્યો છે. આ પ્રકારના વાતાવરણની સીધી અસર બાળકો અને મોટી વયના લોકો પર થાય છે.  રાજ્યના અમરેલીમાં ૧૩.૨ ડિગ્રી રહ્યું હતું જ્યારે નલિયામાં લઘુત્તમ તાપમાન ૧૧.૪ ડિગ્રી નોંધાયું હતું. મોટાભાગના વિસ્તારોમાં લઘુત્તમ તાપમાનમાં ફેરફાર જોવા મળ્યો છે. અમદાવાદ માટેની આગાહીમાં જણાવવામાં આવ્યું છે કે, આવતીકાલે શહેરમાં લઘુત્તમ તાપમાન વધીને ૧૨ ડિગ્રીની આસપાસ રહી શકે છે. રાજ્યના મોટાભાગના વિસ્તારોમાં હાલમાં બેવડી સિઝનનો અનુભવ લોકો કરી રહ્યા છે જેના પરિણામ સ્વરુપે પાણીજન્ય અને મચ્છરજન્ય રોગના સકંજામાં લોકો ઝડપથી આવી રહ્યા છે. કેસો પણ વધી રહ્યા છે.

(10:04 pm IST)
  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST