News of Friday, 9th February 2018

વલસાડના ડ્રાઈવર દિલદારઃ શહીદોના ફેમિલીને ૧૧,૦૦૦નીમદદ કરી

વલસાડના રહેવાસી અને અમરનાથ હુમલામાં ૫૬ ગુજરાતી યાત્રીઓનો જીવ બચાવનાર સલીમ ગફુર શેખે મંગળવારે જમ્મુ કાશ્મીરના રજૌરીમાં શહીદ થનારા ચાર આર્મી જવાનોના પરિવારોને ૧૧,૦૦૦ની મદદ કરી હતી. ગયા વર્ષે અમરનાથમાં ગુજરાતી યાત્રીઓને લઈ જતી બસ પર ત્રાસવાદી હુમલો થયો હતો પરંતુ બસ ડ્રાઈવર ગફુરની સમયસૂચકતાથી યાત્રીઓના જીવ બચી જયા હતા.

 ત્રાસવાદીઓએ હુમલો કર્યો ત્યારે બસમાં દક્ષિણ ગુજરાતના ૫૬ યાત્રીઓ હતા. શેખે આ બસને મહામહેનતે આર્મી કેમ્પ પહોંચાડી હતી. ભારત સરકારે શેખની બહાદુરીને વધાવવા આ ૨૬ જાન્યુઆરીએ વીરતા પુરસ્કાર પણ આપ્યો હતો અને જીવન રક્ષા પદક એનાયત કરવામાં આવ્યો હતો.

શેખ મંગળવારે સુરતના જિલ્લા કલેકટરને મળ્યા હતા અને તેમને ૧૧,૦૦૦ રૂપિયાનો ચેક આપ્યો હતો. તેમણે એટેક દરમિયાન જવાનોને રાત-દિવસ કામ કરતા જોયા હોવાથી તે સૈનિકોનું જીવન કેટલું મુશ્કેલ હોય છે તે સારી રીતે સમજે છે. આથી તેમના પરિવારને મદદ કરવા ગફુરે ૧૧,૦૦૦ રૂપિયાની આર્થિક મદદ કરવાનું નક્કી કર્યું હતુ.

ગફુરે પોતાનો જીવ જોખમમાં મૂકીને બસના યાત્રીઓને બચાવ્યા હતા પરંતુ તેમને હજુ પણ અફસોસ છે કે હુમલામાં મોતને ભેટેલા ૮ યાત્રીને તે બચાવી ન શકયા. જો કે આતંકવાદીઓના આંધાધૂંધ ગોળીબાર વચ્ચે મોટાભાગના યાત્રીઓને આર્મી કેમ્પ સુરક્ષિત પહોંચાડવા કંઈ આસાન કામ નહતુ.

૩૭ વર્ષનો ગફૂર ત્રણ બાળકોનો પિતા છે. ગયા વર્ષે ૧૦ જુલાઈમાં શેખ ૬૦ પ્રવાસીને લઈને અમરનાથથી પરત ફરતો હતો ત્યારે અનંતનાગ જિલ્લાના બાટેનગુ ખાતે આતંકવાદીઓએ અચાનક બસ પર ગોળીઓનો વરસાદ વરસાવવાનો શરૂ કરી દીધો હતો. આ દુર્દ્યટનામાં ૮ લોકોના ઘટનાસ્થળે જ મોત થઈ ગયા હતા પરંતુ ગફૂરે બસ ચલાવવાની ચાલુ રાખી હતી અને સિકયોરિટી પોસ્ટ સુધી બસ લઈ જતા મોટાભાગના યાત્રીઓના જીવ બચાવી શકાયા હતા.

(6:14 pm IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST