Gujarati News

પાટણમાં જિલ્લાના વિકલાંગો એકત્ર થઇ કલેક્ટર કચેરી ખાતે આવી રમત ગમત ક્ષેત્રે પોતાની કારકિર્દી ઘડી શકે અને આગળ વધી શકે તે માટે રમત-ગમતના સાધનોની સહાય આપવા માટે કલેક્ટર ને આવેદનપત્ર આપી ને રજૂઆત કરવામાં આવી હતી.

પાટણ જિલ્લામાં વિવિધ રમતગમત ક્ષેત્રે જોડાયેલા કેટલાક ખેલાડીઓ સાધન સહાય વગર પ્રેક્ટિસ કરી શકતા ન હોય તેમ જ પોતાનું કૌશલ્ય વ્યર્થ જઈ રહ્યું હોય સરકાર દ્વારા અને રમત ગમત વિભાગ દ્વારા વિકલાંગો રમત-ગમત ક્ષેત્રે આગળ વધે અને પોતાની કારકિર્દી ઘડી પગભર બને તે માટે સત્વરે રમત-ગમતના સાધનો અને સહાય આપવા માટે કાર્યવાહી કરવામાં આવે તે માટે પાટણ કલેકટર ને આવેદનપત્ર આપી ને વિકલાંગોએ રજૂઆત કરી હતી.