Gujarati News

Gujarati News

News of Wednesday, 3rd January 2018

ગાંધીનગરના કુડાસણમાં બંધ મકાનમાંથી 94 હજારના દાગીના ચોરી તસ્કરો છૂમંતર

ગાંધીનગર: શહેર નજીક આવેલા કુડાસણમાં બંધ મકાનને નિશાન બનાવ્યું હતું અને તેમાંથી ૯૪ હજાર રૃપિયાના દાગીના ચોરી લીધા હતા. આ ઘટના અંગે ઈન્ફોસીટી પોલીસ સ્ટેશનમાં ગુનો નોંધાતાં પોલીસે વધુ તપાસ શરૃ કરી છે.

શિયાળો આવતાંની સાથે જ શહેરમાં તસ્કરરાજ શરૃ થઈ જાય છે. એક પછી એક બંધ મકાનોના તાળાં તુટવાનું શરૃ થઈ જાય છે. દર વર્ષે પોલીસ દ્વારા એકશન પ્લાન બનાવીને તસ્કરોને પકડવા માટે આયોજન હાથ ધરાય છે પરંતુ તસ્કરો તો હાથ આવતાં નથી પરંતુ ઘરફોડ ચોરીઓ અટકવાનું નામ લેતી નથી. શહેર અને આસપાસમાં ગ્રામ્ય વિસ્તાર રીતસર તસ્કરોના હવાલે થઈ જાય છે.

ગયા વર્ષે પણ ન્યુ ગાંધીનગરમાં સંખ્યાબંધ ઘરફોડ ચોરીના બનાવો બન્યા હતા. જેનો ભેદ પણ હજુ સુધી ઉકેલાયો નથી ત્યારે આ વર્ષે પણ ઘરફોડ ચોરીઓ યથાવત્ રહેવા પામી છે. શહેર નજીક કુડાસણમાં આવેલી શુભ કેન્ડીડ વસાહતમાં રહેતા અને ટીસીએસમાં નોકરી કરતાં ધૃ્રવ શિવકુમાર થરેજા ગત શનિવારની સાંજે તેમનું મકાન બંધ કરીને બહારગામ ગયા હતા.

તે દરમ્યાન તસ્કરોએ તેમના બંધ મકાનને નિશાન બનાવ્યું હતું તેમજ આ મકાનનું તાળું તોડી તેમાંથી ૯૪ હજાર રૃપિયાના દાગીનાની ચોરી કરી લીધી હતી. ત્યારબાદ બીજા દિવસે સવારે ધ્રૃવભાઈ ઘરે પહોંચ્યા ત્યારે ચોરીનો અંદાજ આવી ગયો હતો. જેથી આ સંદર્ભે ઈન્ફોસીટી પોલીસ સ્ટેશનમાં ફરિયાદ નોંધાવતાં પોલીસે ચોરીનો ગુનો નોંધી તસ્કરોને પકડી પાડવા દોડધામ શરૃ કરી હતી.

(4:29 pm IST)
  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST

  • જમ્મુ કાશ્મીરઃ આરએસપુરા સેકટરમાં બીએસએફને મોટી સફળતાઃ એક ઘુસણખોરને ઠાર કરાયોઃ પાક.ની બે ચોકીઓ પણ ઉઠાવી access_time 12:19 pm IST

  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST