News of Wednesday, 3rd January 2018

આ વર્ષે અક્ષય કુમારના હાથ પર છે પાંચ ફિલ્મો

બોલીવૂડનો દિગ્ગજ ખિલાડી અક્ષય કુમાર વર્ષમાં સોૈથી વધુ ફિલ્મો આપતો એકમાત્ર કલાકાર છે. ગયા વર્ષે તેની ત્રણ સુપરહિટ ફિલ્મો આવી હતી. જેમાં ટોયલેટ-એક પ્રેમ કથા, જોલી એલએલબી-૨ અને નામ શબાના સામેલ છે. વર્ષ ૨૦૧૮ માટે પણ અક્ષયે ખાસ તૈયારી કરી છે. આ વર્ષમાં તેની પાસે પાંચ ફિલ્મો હાથ પર છે. જેના કારણે તે અત્યારથી જ ચર્ચામાં છે. જેમાં એક ફિલ્મ પૈડમેન ૨૬મી જાન્યુઆરીએ રિલીઝ થઇ રહી છે. જેમાં સોનમ કપૂર અને રાધિકા આપ્ટે પણ મહત્વના રોલમાં છે. રજનીકાંત સાથેની ૨.૦, ફરહાન અખ્તર અને રિતેશ સિધવાનીના બેનરની એક ફિલ્મ ગોલ્ડમાં અક્ષય બલવિંદરસિંહના રોલમાં છે. જેણે ૧૯૪૮માં પહેલુ ઓલ્મિપક ચંદ્રક જીત્યુ હતું. આ ઉપરાંત સારાગઢી સંઘર્ષ પરની એક ફિલ્મ કેસરી તથા હાઉસફુલ ફ્રેન્ચાઇઝીની ફિલ્મ પણ તે કરી રહ્યો છે.

(9:20 am IST)
  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • મહારાષ્ટ્રમાં તોફાનોની અસર શાંત થતા ડાંગ એસટી તંત્ર દ્વારા એસટી બસની સુવિધા પુર્વવતઃ સાપુતારાથી નાસીક-શિરડી જતી બસોને લીલીઝંડી access_time 5:29 pm IST

  • બિહારને રણજી ટ્રોફી અને અન્ય રાષ્ટ્રીય ક્રિકેટ ટુર્નામેન્ટોમાં ભાગ લેવા સુપ્રિમ કોર્ટ દ્વારા બીસીસીઆઈને નિર્દેશ access_time 4:22 pm IST