<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 9th August 2025

ગરૈયા જ્ઞાનપીઠ દ્વારા પદમજીત સેહરાવતનો મોટીવેશનલ સેમિનાર - સંગીત મહોત્‍સવ

રાજકોટ : ગરૈયા જ્ઞાનપીઠે ફરી એકવાર પોતાની પરંપરા જાળવી રાખતાં શિક્ષણની સાથે વ્‍યક્‍તિત્‍વ નિર્માણ અને પ્રેરણાનો અનોખો સંગમ રજૂ કર્યો. રાજકોટના પ્રતિષ્ઠિત પ્રમુખ સ્‍વામી ઓડિટોરિયમ ખાતે આયોજિત ભવ્‍ય મોંટીવેશનલ સેમિનાર અને સંગીત મહોત્‍સવે હાજર રહેલા વિદ્યાર્થીઓ, પ્રાધ્‍યાપકો અને મહેમાનોના હૃદયમાં ઉત્‍સાહ અને પ્રેરણાની નવી લહેર ફેલાવી. કાર્યક્રમની શરૂઆત પરંપરાગત દીપ પ્રાગટ્‍ય વિધિથી થઈ, જેમાં સંસ્‍થાના આગેવાનો અને મહેમાનોની ઉપસ્‍થિતિએ પવિત્રતા અને સાંસ્‍કૃતિક ગૌરવનો સ્‍પર્શ આપ્‍યો. ત્‍યારબાદ, ઝગમગતી લાઇટ્‍સ અને જીવંત સંગીતની તાલ સાથે મુખ્‍ય વક્‍તા શ્રી પદમજીત સેહરાવતની ધમાકેદાર એન્‍ટ્રીએ ઓડિટોરિયમને ઉત્‍સાહથી ગુંજતું કરી દીધું. હજારો વિદ્યાર્થીઓ અને મહેમાનોએ તાળીઓના ગડગડાટથી તેમનું ઉષ્‍માભર્યું સ્‍વાગત કર્યું. શ્રી પદમજીત સેહરાવત, જેઓ આંતરરાષ્ટ્રીય રમતગમત કોમેન્‍ટેટર, પ્રતિભાશાળી ગાયક, સર્જનાત્‍મક સંગીતકાર અને લોકપ્રિય ઙ્કટેડેક્‍સ સ્‍પીકરઙ્ઘ તરીકે જાણીતા છે, તેમણે પોતાના જીવનના પ્રેરક પ્રસંગો, સંઘર્ષની સફર અને સફળતાના મંત્રો રજૂ કરી હાજર દરેકના હૃદયને સ્‍પર્શી લીધા. તેમણે જણાવ્‍યું, ‘‘સપનાઓને સાકાર કરવા માટે સૌથી પહેલાં પોતાને ઓળખવું અને પોતાની શક્‍તિઓ પર વિશ્વાસ કરવો જરૂરી છે.'' આત્‍મવિશ્વાસ, સકારાત્‍મકતા અને અવિરત મહેનતના મહત્ત્વ પર તેમણે પ્રકાશ પાડ્‍યો. તેમની પ્રખ્‍યાત રમતગમત કોમેન્‍ટ્રીની ઝલક, જેમાં આઇપીએલ, પ્રો કબડ્ડી અને આંતરરાષ્ટ્રીય રમતોનો સમાવેશ થાય છે, તેમણે મંચ પર રજૂ કરી, જેનાથી ઓડિટોરિયમ તાળીઓના ગડગડાટથી ગુંજી ઉઠ્‍યું. રમતના મેદાનની જેમ જ ઉત્‍સાહ, હાસ્‍ય અને રોમાંચનો માહોલ વિદ્યાર્થીઓમાં આનંદની લહેર લાવ્‍યો. કાર્યક્રમનું વિશેષ આકર્ષણ રહ્યું લાઇવ સંગીત પાઠશાળા અને મ્‍યુઝિકલ પરફોર્મન્‍સ. શ્રી સેહરાવતે પોતાના ભાવસભર અવાજ અને સૂરાવલીથી દેશભક્‍તિ, પ્રેરણાત્‍મક અને લોકપ્રિય ગીતો રજૂ કરી પ્રેક્ષકોને ઝૂમી ઉઠવા મજબૂર કર્યા. સંગીત અને પ્રેરણાનો આ અદભૂત સંગમ દરેક માટે અવિસ્‍મરણીય બની રહ્યો. આ કાર્યક્રમમાં ગરૈયા જ્ઞાનપીઠના ટ્રસ્‍ટીઓ શ્રી વનરાજભાઈ ગરૈયા, શ્રી રામભાઈ ગરૈયા, શ્રી એભલભાઈ ગરૈયા, શ્રી મનોજભાઈ ગરૈયા અને શ્રી મેહુલભાઈ રૈયાની વિશેષ ઉપસ્‍થિતિ રહી. તેમના માર્ગદર્શન અને આયોજન કુશળતાથી કાર્યક્રમને ભવ્‍ય સફળતા મળી. આ ઉપરાંત, સનફલાવર સ્‍કૂલના ટ્રસ્‍ટી શ્રી હિતેશભાઈ રાઠોડ અને મુરલીધર સ્‍કૂલ તથા મુરલીધર બીએડ કોલેજના ટ્રસ્‍ટી શ્રી રાહુલભાઈ રાઠોડની હાજરીએ કાર્યક્રમને વધુ ગૌરવશાળી બનાવ્‍યો. કાર્યક્રમના અંતે શ્રી પદમજીત સેહરાવતને સન્‍માનિત કરવામાં આવ્‍યા. હાજર રહેલા મહેમાનો અને વિદ્યાર્થીઓએ આ કાર્યક્રમને અભૂતપૂર્વ ગણાવી, આવા પ્રેરણાદાયી અને સંગીતમય કાર્યક્રમો વારંવાર યોજવાની ઈચ્‍છા વ્‍યક્‍ત કરી, જેથી વિદ્યાર્થીઓમાં સર્જનાત્‍મકતા, આત્‍મવિશ્વાસ અને સાંસ્‍કૃતિક મૂલ્‍યોનો વિકાસ થઈ શકે. આ કાર્યક્રમે ગરૈયા જ્ઞાનપીઠની શિક્ષણની સાથે વ્‍યક્‍તિત્‍વ નિર્માણ અને પ્રેરણાનાસ્ત્રેત તરીકેની પ્રતિષ્ઠાને ફરી એકવાર ઉજાગર કરી હોવાનું સંસ્‍થા ઓલએ જણાવ્‍યું છે.

(3:03 PM IST)