<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 3rd September 2024

'પશ્ચિમ બંગાળ સરકારનું વલણ અસહકારભર્યું : કોલકાતા રેપ કેસમાં સુપ્રીમકોર્ટમાં ગૃહ મંત્રાલયે દાખલ કર્યો રિપોર્ટ

CISF જવાનો માટે ત્યાં રહેવાની કોઈ વ્યવસ્થા કરી નથી. સૈનિકોને ત્યાં પહોંચવા માટે દરરોજ લગભગ એક કલાકની મુસાફરી કરવી પડે છે

નવી દિલ્હી : કોલકાતાની આરજી કાર હોસ્પિટલમાં જુનિયર ડોક્ટર સાથે બળાત્કાર અને હત્યાના કેસમાં કેન્દ્રીય ગૃહ મંત્રાલયે સુપ્રીમ કોર્ટમાં અરજી દાખલ કરી છે. જેમાં ગૃહ મંત્રાલયે બંગાળ સરકાર પર ગંભીર આરોપ લગાવ્યા છે. કેન્દ્રીય ગૃહ મંત્રાલયે કહ્યું કે પશ્ચિમ બંગાળ સરકારનું વલણ અસહકારનું છે. જેના કારણે CISFના કામમાં મુશ્કેલી આવી રહી છે.

  કેન્દ્રીય ગૃહ મંત્રાલયે પોતાની અરજીમાં કહ્યું છે કે કોર્ટના આદેશ મુજબ CISFએ હોસ્પિટલની સુરક્ષા સંભાળી છે. પરંતુ CISF જવાનો માટે ત્યાં રહેવાની કોઈ વ્યવસ્થા કરવામાં આવી ન હતી. સૈનિકોને ત્યાં પહોંચવા માટે દરરોજ લગભગ એક કલાકની મુસાફરી કરવી પડે છે. આને કારણે, કોઈપણ કટોકટીની સ્થિતિમાં વધારાના દળો પ્રદાન કરવાનું શક્ય બનશે નહીં.

    ગૃહ મંત્રાલયે પશ્ચિમ બંગાળના મુખ્ય સચિવને CISF માટે વ્યવસ્થા કરવા વિનંતી કરી છે. જો રાજ્ય સરકાર આવું ન કરે તો તેની સામે તિરસ્કારની કાર્યવાહી થવી જોઈએ. હવે આ કેસની સુનાવણી 5મી સપ્ટેમ્બરે થશે.

   કેન્દ્રીય ગૃહ મંત્રાલયે કહ્યું કે પશ્ચિમ બંગાળ સરકારનું વલણ અસહકારનું છે. જેના કારણે CISFના કામમાં મુશ્કેલી આવી રહી છે. આરજી કાર હોસ્પિટલમાં તૈનાત 97 CISF કર્મચારીઓમાંથી 54 મહિલાઓ છે. તેમના માટે પણ યોગ્ય વ્યવસ્થા કરવામાં આવી નથી. જગ્યાના અભાવે CISF તેના સુરક્ષા સાધનોને યોગ્ય રીતે જાળવવામાં સમસ્યાનો સામનો કરી રહી છે

  કોલકાતાની આરજી કાર મેડિકલ કોલેજ અને હોસ્પિટલમાં 9 ઓગસ્ટના રોજ એક જુનિયર ડૉક્ટર પર બળાત્કાર થયો હતો. આ પછી તેની હત્યા કરવામાં આવી હતી. સમગ્ર પશ્ચિમ બંગાળમાં જુનિયર ડોક્ટરની હત્યાને લઈને વિરોધ પ્રદર્શન થઈ રહ્યા છે. કલકત્તા હાઈકોર્ટે હાલમાં જ આ કેસની તપાસ સીબીઆઈને સોંપી હતી. આ કેસમાં આરોપી સંજય રોયનો પોલીગ્રાફી ટેસ્ટ પણ કરવામાં આવ્યો છે.

(7:56 PM IST)