તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 3rd September 2024
સોમવતી અમાસે ઉજ્જૈનમાં મહાકાલની શાહી સવારી : ૭ કિલોમીટર લાંબા કાફલામાં ઉમટયા ૩ લાખ શ્રધ્ધાળુઓ

ઉજ્જૈનઃ શ્રાવણ માસની સવારીઓના ક્રમમાં સોમવારે ભગવાન મહાકાલની અંતિમ સવારી રાજસી ઠાઠ સાથે નિકળી હતી. સોમવતી અમાસનો સંયોગ હોવાથી આ સવારીનું સ્વરૂપ વધુ ભવ્ય બન્યુહતું. પ્રશાસનીક અધિકારીઓ અનુસાર લગભગ ૩ લાખથી વધારે શ્રધ્ધાળુઓએ બાબા મહાકાલના દર્શન કર્યા અને સવારીમાં સામેલ થયા હતા. પર્વ સ્નાન માટે સવારે પાંચ વાગ્યાથી જ રામઘાટ, સોમકુંડ અને અન્ય તીર્થ ઘાટો પર ગ્રામ્ય વિસ્તારોમાંથી આવેલ શ્રધ્ધાળુઓએ ક્ષીપ્રામાં આસ્થાની ડુબકી લગાવીને પુણ્યલાભ મેળવ્યો હતો. તો કેન્દ્રીય મંત્રી જયોતીરાદીત્ય સિંધીયા પણ સવારીમાં જોડાયા હતા. તેમણે ગોપાલ મંદીરમાં પુજા-આરતી કરીને સિંધીયા રાજ પરિવારની પરંપરા નિભાવી હતી. મુખ્યમંત્રી ડોકટર મોહન યાદવ પણ પત્ની સાથે સોમવારે સવારે બાબા મહાકાલના દર્શન કરવા પહોંચ્યા હતા.
(4:36 PM IST)









છેલ્લા 8 દિવસમાં સૌથી લોકપ્રિય 
