તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 3rd September 2024
શ્રીક્રુષ્ણએ પાંડવોને કળિયુગ વિશે ૫ કડવી વાતો કહી હતી : જે આજે સત્ય સાબિત થઈ
કળિયુગમાં માણસ ક્રિયાને બદલે પરિણામની ઈચ્છા પર ધ્યાન કેન્દ્રિત કરશે

નવી દિલ્હી, તા.૩: ભગવાન શ્રી ક્રુષ્ણએ મહાભારત કાળમાં જ પાંડવોને કળિયુગ સાથે જોડાયેલી કેટલીક વાતો જણાવી હતી, જે આજે સાચી સાબિત થઈ રહી છે. કળિયુગમાં માણસ ક્રિયાને બદલે પરિણામની ઈચ્છા પર ધ્યાન કેન્દ્રિત કરશે.
હિન્દુ ધર્મમાં ચાર યુગનો ઉલ્લેખ કરવામાં આવ્યો છે, જે છે ત્રેતાયુગ, સત્યયુગ, દ્વાપરયુગ અને કલિયુગ. આમાંથી ત્રણ યુગનો અંત આવ્યો છે અને છેલ્લો યુગ કળિયુગ ચાલી રહ્યો છે. ઘણા ગ્રંથોમાં કળિયુગની માહિતી આપવામાં આવી છે. જે મુજબ ભગવાન શ્રી ક્રુષ્ણએ પાંડવોને કળિયુગમાં બની રહેલી ઘટનાઓ વિશે પહેલેથી જ જણાવી દીધું હતું.
કળિયુગ વિશે ભગવાન શ્રી ક્રુષ્ણએ પાંડવોને કહ્યું હતું કે આ યુગમાં માણસની યાદશક્તિ ધીરે ધીરે ઓછી થવા લાગશે. ઉપરાંત ધર્મ, સત્ય અને સહિષ્ણુતા પણ ઘટશે. ખરેખર આજે આ વાત સાચી સાબિત થઈ રહી છે.
ધાર્મિક શાષાોમાં કહેવાયું છે કે સારા વ્યક્તિની ઓળખ તેના વર્તન અને ગુણોથી થાય છે. પણ કળિયુગમાં આવું નહીં થાય. શ્રી ક્રુષ્ણએ કહ્યું છે કે કળિયુગમાં વ્યક્તિની ઓળખ તેની સંપત્તિ અને ઐશ્વર્યથી થાય છે. તેનો અર્થ એ છે કે વ્યક્તિ જેટલી ધનવાન હશે તેટલી જ તે વધુ ગુણવાન ગણાશે.
ભગવાન શ્રી ક્રુષ્ણએ પહેલા જ કહ્યું હતું કે કળિયુગમાં એવા લોકો આવશે જે મહાન પંડિત અને વિદ્વાન કહેવાશે. પરંતુ આ લોકોની નજર માત્ર કોનું મળત્યુ થવાનું છે અને કોની મિલકત કેવી રીતે હસ્તગત કરવી છે તેના પર હશે.
કળિયુગમાં લોકો લગ્ન, ઘર, તહેવારો વગેરે પાછળ લાખો રૂપિયાનો ખર્ચ કરશે. પરંતુ કોઈ પણ ભૂખ્યાને ખવડાવશે નહીં. કળિયુગમાં કોઈ કોઈના દુઃખમાં સાથ નહીં આપે, બલ્કે પોતાની મસ્તીમાં વ્યસ્ત રહેશે.
ભગવાન શ્રી ક્રુષ્ણનું આ કથન આજે સાચું સાબિત થઈ રહ્યું છે અને દરેક જગ્યાએ શોષણ સંબંધિત સમાચારો સામે આવી રહ્યા છે. શ્રી ક્રુષ્ણએ પાંડવોને કહ્યું હતું કે કળિયુગમાં એવા લોકોનું શાસન હશે જે બીજાનું શોષણ કરશે. જેમના મનમાં એક વાત છે અને કર્મમાં એક વાત છે, આવા લોકો કળિયુગમાં પ્રભુત્વ મેળવશે.(
(10:02 AM IST)









છેલ્લા 8 દિવસમાં સૌથી લોકપ્રિય 
