Gujarati News

નવી દિલ્હીઃ તમિલનાડુએ  પીઢ વિકેટ-કીપર બેટ્સમેન દિનેશ કાર્તિક અને ઓલરાઉન્ડર વોશિંગ્ટન સુંદરને વિજય હજારે ટ્રોફી ૨૦૨૧-૨૨) ક્રિકેટ ટુર્નામેન્ટ માટે તેમની ૨૦ સભ્યોની ટીમમાં સામેલ કર્યા છે. કાર્તિક ઈજાના કારણે સૈયદ મુશ્તાક અલી ટ્રોફી ટી૨૦ ટૂર્નામેન્ટમાં ભાગ લઈ શક્યો ન હતો.

  વોશિંગ્ટન સુંદર ઈજાને કારણે આ વર્ષના પ્રથમ અર્ધવાર્ષિક ગાળામાં ઈંગ્લેન્ડ પ્રવાસમાંથી બહાર થઈ ગયો હતો અને બેંગલુરુમાં નેશનલ ક્રિકેટ એકેડમી (NCA)માં પુનર્વસન હેઠળ હતો.  તમિલનાડુને વિજય હજારે ટ્રોફી માટે એલિટ ગ્રુપ બીમાં રાખવામાં આવ્યું છે અને ટીમ તેની શરૂઆતની રાઉન્ડ મેચ તિરુવનંતપુરમ ખાતે રમશે.  ટીમ ૮ ડિસેમ્બરે મુંબઈ સામે પોતાના અભિયાનની શરૂઆત કરશે.તામિલનાડુ ક્રિકેટ એસોસિએશનના જણાવ્યા અનુસાર, ટીમનું નેતૃત્વ ઓલરાઉન્ડર વિજય શંકર કરશે, જ્યારે ઓપનર એન.  જગદીશનને વાઇસ કેપ્ટન તરીકે નિયુકત કરવામાં આવ્યા છે.  વિજય શંકરના નેતૃત્વમાં ટીમે સૈયદ મુસ્તાક અલી ટ્રોફી જીતી હતી.  ઈજામાંથી પરત ફરતી વખતે સૈયદ મુશ્તાક અલી ટ્રોફી રમનાર ટી. નટરાજનને ટીમમાં સામેલ કરવામાં આવ્યો નથી. ટીમ આ મુજબ છે. વિજય શંકર (કેપ્ટન), એન જગદીસન, દિનેશ કાર્તિક, સી હરિ નિશાંત, એમ શાહરૂખ ખાન, આર સાઈ કિશોર, એમ અશ્વિન, સંદીપ વોરિયર, એમએસ વોશિંગ્ટન સુંદર, એમ સિદ્ધાર્થ, બી સાઈ સુદર્શન, વી ગંગા શ્રીધર રાજુ, એમ મોહમ્મદ, જે. કૌશિક, પી સરવણા કુમાર, એલ સૂર્યપ્રકાશ, બી ઈન્દરજીત, આર સંજય યાદવ, એમ કૌશિક ગાંધી અને આર સિલમ્બરાસન.