Gujarati News

Gujarati News

News of Thursday, 17th September 2020

આઇપીએલમાં મુંબઇ ઇન્‍ડિયન્‍સનો કેપ્‍ટન રોહિત શર્મા સૌથી વધુ મેન ઓફ ધ મેચ જીતનાર ખેલાડીઓમાં ચોથા સ્‍થાનેઃ ડેવિડ વોર્નર ત્રીજા સ્‍થાન ઉપર

નવી દિલ્હીઃ આઈપીએલમાં રમતા દરેક ખેલાડીનું સપનું હોય છે કે તે સારૂ પ્રદર્શન કરે. બેટ્સમેન હોય કે બોલર, બધા પોતાને આઈપીએલ દરમિયાન સાબિત કરવાનો પ્રયાસ કરે છે. આઈપીએલમાં દર્શકો બેટ્સમેનને રમતા જોવા વધુ પસંદ કરે છે. આજ કારણે આઈપીએલને બેટ્સમેનોની ટૂર્નામેન્ટ કહેવામાં આવે છે. બેટિંગ દરમિયાન ઘણા બેટ્સમેનોના ફ્લોપ પ્રદર્શનથી દર્શકો નિરાશ પણ થાય છે. મોટા ખેલાડી પાસે તેના ફેન્સને વધુ આશા હોય છે. આજ કારણ છે કે ક્યારેક ખરાદ પ્રદર્શન બાદ દર્શકો પોતાના પસંદગીના ખેલાડીની ટીકા કરે છે. તો મેચમાં સૌથી શાનદાર પ્રદર્શન કરનાર ખેલાડીને મેન ઓફ ધ મેચનો એવોર્ડ આપવામાં આવે છે. આપણે અહીં આઈપીએલમાં સૌથી વધુ વખત મેન ઓફ ધ મેચનો એવોર્ડ જીતનાર ખેલાડીઓની વાત કરીશું.

રોહિત શર્મા

મુંબઈ ઈન્ડિયન્સનો કેપ્ટન રોહિત શર્મા સૌથી વધુ મેન ઓફ ધ મેચ જીતનાર ખેલાડીઓમાં ચોથા સ્થાને છે. અત્યાર સુધી 188 આઈપીએલ મુકાબલામાં રોહિત શર્માએ 17 મેન ઓફ ધ મેચના એવોર્ડ જીત્યા છે. મુંબઈની ટીમ રોહિતની આગેવાનીમાં ચાર વખત ચેમ્પિયન પણ બની છે.

ડેવિડ વોર્નર

આ લિસ્ટમાં ડેવિડ વોર્નર ત્રીજા સ્થાને છે. સનરાઇઝર્સ હૈદરાબાદનો કેપ્ટન વોર્નર આઈપીએલમાં 126 મેચ રમ્યો છે અને 17 વખત મેન ઓફ ધ મેચ રહ્યો છે. દરેક આઈપીએલમાં ડેવિડ વોર્નરના બેટથી દર્શકોને ખાસ આશા હોય છે. દર્શક તેના ચોગ્ગા-છગ્ગા જોવાનું પસંદ કરે છે.

એબી ડિવિલિયર્સ

આઈપીએલના સૌથી શાનદાર બેટ્સમેનોમાંથી એક એબી ડિવિલિયર્સ 20 વખત મેન ઓફ ધ મેચ થયો છે. આઈપીએલમાં એબી ડિવિલિયર્સે 154 મેચ અત્યાર સુધી રમી છે. એબી ડિવિલિયર્સ તે ખેલાડી છે જેના ભારતમાં સૌથી વધુ ફેન્સ છે. કોઈપણ અન્ય વિદેશી ખેલાડીને ડિવિલિયર્સ કરતા વધુ પસંદ કરવામાં આવતો નથી. ફેન્સ તેની બેટિંગના દીવાના છે.

ક્રિસ ગેલ

યૂનિવર્સ બોસના નામથી જાણીતા ક્રિસ ગેલે આઈપીએલના દરેક રેકોર્ડમાં પોતાનું નામ નોંધાવ્યું છે. સૌથી વધુ મેન ઓફ ધ મેચ એવોર્ડ પણ તેને મળ્યા છે. 21 મેન ઓફ ધ મેચ એવોર્ડની સાથે ક્રિસ ગેલ પ્રથમ સ્થાને છે. સિક્સ અને સૌથી ઝડપી સદીના મામલામાં પણ ગેલનું નામ સામેલ છે. તો આઈપીએલનો સર્વાધિક સ્કોર પણ ગેલના નામે છે.

(4:19 pm IST)
  • અમિતભાઈ સ્વસ્થ: એઈમ્સમાંથી : રજા આપવામાં આવી : ગૃહ મંત્રી અમિતભાઈ શાહને નવી દિલ્હી ખાતે એઈમ્સ હોસ્પિટલમાંથી આજે રજા આપવામાં આવી છે. તેમને રૂટીન ચેક-અપ માટે 13 સપ્ટેમ્બરે એઇમ્સમાં ફરી દાખલ કરવામાં આવ્યા હતા. access_time 7:30 pm IST

  • " સર કટા શકતે હૈ ,લેકિન સર ઝુકા શકતે નહીં " : હું ક્ષત્રિયાણી છું : સ્વમાનના ભોગે સિદ્ધાંતમાં બાંધછોડ નહીં કરું : રાષ્ટ્રના સન્માન માટે અવાજ ઉઠાવીશ : રાષ્ટ્રવાદી તરીકે જીવીશ : જયહિન્દ : કંગના રનૌતનું ટ્વીટ access_time 1:00 pm IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST