Gujarati News

Gujarati News

News of Thursday, 17th September 2020

ચેન્નાઈને વધુ એક ફટકોઃ ઋતુરાજ ગાયકવાડનો રિપોર્ટ ફરી પોઝીટીવ

કવોરન્ટાઈન રહેવું પડશેઃ દિપક ચહર ટીમ સાથે જોડાયોઃ રાયડુ હવે ત્રીજા સ્થાને બેટીંગમાં આવશે

આબુધાબીઃ ચેન્નાઈ સુપરકિંગ્સના બેટ્સમેન ઋતુરાજ ગાયકવાડ ૧૪ દિવસ પછી પણ કોરોના પોઝિટિવ છે. જેથી તેને હજી પણ કવોરન્ટીનમાં રહેવું પડશે. તે શરૂઆતની મેચોમાં પણ રમી નહિ શકે. નિયમ અનુસાર, કોઈ ખેલાડીના બે રિપોર્ટ નેગેટિવ આવે તે પછી જ તેને ટીમમાં જોડાવવાની પરવાનગી મળે છે.

સુરેશ રૈનાએ નામ પાછું ખેંચ્યા પછી ઋતુરાજ નંબર-૩ પર રમશે તેવી બધાને અપેક્ષા હતી. હવે અંબાતી રાયુડુને આ ક્રમે તક મળી શકે છે. ચેન્નાઈ ૧૯ સપ્ટેમ્બરે ટૂર્નામેન્ટ ઓપનરમાં ડિફેન્ડિંગ ચેમ્પિયન મુંબઈ ઇન્ડિયન્સ સામે ટકરાશે.

અગાઉ ચેન્નાઈ સુપરકિંગ્સના દિપક ચહર રિપોર્ટનો પોઝિટિવ પોઝિટિવ આવ્યો હતો. જોકે, તે હવે સંપૂર્ણપણે સ્વસ્થ થઈ ગયો છે અને બે રિપોર્ટ નેગેટિવ આવ્યા બાદ ટીમ સાથે પણ જોડાય ગયો છે. આ વચ્ચે, મુંબઈ ઇન્ડિયન્સ સાથે કેમ્પમાં સચિન તેંડુલકરનો દીકરો અને ડાબોડી ફાસ્ટ બોલર અર્જુન તેંડુલકર સામેલ થયો છે. તેને ઓફિશિયલી નેટ બોલર તરીકે જગ્યા આપવામાં આવી છે.

(2:41 pm IST)
  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST