Gujarati News

Gujarati News

News of Saturday, 16th January 2021

ન્યુઝીલેન્ડમાં કારમી હાર થતા પાકિસ્તાને આફ્રિકા સામેની સીરીઝમાંથી 6 ખેલાડીઓને બહાર કર્યા

ટીમમાં કુલ નવ જેટલા નવા ચહેરાઓ સામેલ કરાયા :

પાકિસ્તાનએ દક્ષિણ આફ્રિકા સામેની બે ટેસ્ટ મેચની સીરીઝને લઇને ટીમ જાહેર કરી છે. આ ટીમમાં મોટા ફેરફાર કરવામાં આવ્યા. ન્યુઝીલેન્ડ પ્રવાસ પર મોકલેલી ટીમના છ ખેલાડીઓને ટીમની બહાર કરી દેવામાં આવ્યા છે. જેમાં શાન મસૂદ, હારિસ સોહિલ, ઇમામ ઉલ હક પણ બહાર થવાની યાદીમાં સામેલ થયો છે. મુખ્ય પસંદગીકાર મહંમદ વાસિમએ આફ્રિકા સામેની સીરીઝ માટે 20 સદસ્યોની યાદી જાહેર કરી હતી. તેમણે ઘરેલુ ક્રિકેટમાં સારુ પ્રદર્શન કરનારા ખેલાડીઓને ટીમમાં પસંદ કર્યા છે. ટીમમાં કુલ નવ જેટલા નવા ચહેરાઓ સામેલ થયા છે. પ્રથમ ટેસ્ટ મેચ પુર્વે આ યાદીમાંથી 16 ખેલાડીઓને પસંદ કરવામાં આવશે.

પાકિસ્તાન ક્રિકેટ બોર્ડ (PCB) ના પસંદગીકારોએ ન્યુઝીલેન્ડ પ્રવાસ દરમ્યાન પાકિસ્તાનનો ટેસ્ટમાં સફાયો થવાને લઇને સાફસફાઇ કરી હતી. તો બીજી તરફ PCB સામે ક્રિકેટરો પણ પસંદગી અને બોર્ડની નિતીઓને લઇને બોલવા લાગ્યા હતા. આ દરમ્યાન જ હવે ન્યુઝીલેન્ડમાં કારમી હારને બહાને ખેલાડીઓને મોટી સંખ્યામાં બહાર કર્યા છે. આમ એક પ્રકારે ખેલાડીઓમાં ટીમમાં ટકી રહેવા માટેનુ દબાણ સર્જાશે. ન્યુઝીલેન્ડ પ્રવાસે ગયેલ નસિમ શાહને ઇજાને લઇને બહાર રખાયાનુ કહ્યુ છે. તો સ્પિનર જાફર ગોહાર, ઝડપી બોલર મહંમદ અબ્બાસ અને સોહેલ ખાન પણ બહાર થવાની યાદીમાં સામેલ છે. આફ્રિકી ટીમ શનિવારે કરાંચી પહોંચશે.

દક્ષિણ આફ્રિકા સામે પાકિસ્તાન અને આફ્રિકા વચ્ચે આગામી 26 જાન્યુઆરીથી સીરીઝ શરુ થનારી છે. જે માટે ટોચના ક્રમના બેટ્સમેન સઉદ શકિલ, કામરાન ગુલામ, ઓલરાઉન્ડર આગા સલમાન અને સ્પિનર નૌમાન અલી, ઓફ સ્પિનર સાજિદ ખાન તથા ઝડપી બોલર હસન અલી અને તાશિબ ખાનને પ્રથમ વાર ટીમમાં પસંદ કરવામાં આવ્યા છે. પસંદગીકારોએ યુવા બેટ્સમેન અબ્દુલ્લા શફિકને ટેસ્ટ ટીમમાં સ્થાન આપ્યુ છે. તેને ટી20 એક્સપર્ટ તરીકે ન્યુઝીલેન્ડના પ્રવાસમાં મોકલવામાં આવ્યો હતો. આ ઉપરાંત ટી20 નો અન્ય એક એક્સપર્ટ બોલર હારિસ રઉફને પણ ટીમમાં જગ્યા અપાઇ છે.

(11:08 am IST)
  • ૧૦૦ પૂર્વ સનદી અધિકારીઓના ગ્રુપે પીએમ કેર્સ ફંડની ટ્રાન્સપરન્સી સામે આંગળી ચીંધી દેશના સો જેટલા પૂર્વ આઇએએસ ઓફિસરોના ગ્રુપે વડાપ્રધાન નરેન્દ્રભાઇ મોદીને પત્ર પાઠવી પીએમ કેર્સ ફંડની પારદર્શિતા અંગે પ્રશ્ન ઉઠાવ્યા છે access_time 7:39 pm IST

  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • સ્પેનમાં કોરોનાની ત્રીજી લહેર : કોરોના વિસ્ફોટ :છેલ્લા ૨૪ કલાકમાં સ્પેનમાં રેકોર્ડબ્રેક :૪૦ હજારથી વધુ નવા કેસ અને બે દિવસમાં ૭૫ હજારથી વધુ કેસ નોંધાયા access_time 11:40 am IST