Gujarati News

મોહાલી : મોહાલી વન-ડેમાં ટીમ ઈન્ડિયાએ ફરી પોતાની તાકાત બતાવી છે. પ્રથમ વન-ડેમાં મળેલી કારમી હાર બાદ આજે કેપ્ટન રોહિત શર્મા, શિખર ધવન અને નવોદિત શ્રેયસ ઐયરે શાનદાર બેટીંગનું પ્રદર્શન કર્યુ છે. આ લખાય છે ત્યારે ૫૦ ઓવરમાં ૩૯૨/૪ રન બનાવ્યા હતા.

શ્રીલંકા કેપ્ટન પરેરાએ સતત બીજા વન-ડેમાં ટોસ જીતી ભારતને દાવ આપ્યો હતો પણ તેનો તે જુગાર સફળ રહ્યો ન હતો. શરૂઆતથી રોહિત અને ધવને શ્રીલંકન બોલરોની ધોલાઈ શરૂ કરી દીધી હતી. શિખર ધવન ફાસ્ટ ઈનીંગ રમ્યો હતો. તેણે માત્ર ૬૭ બોલમાં ૬૮ રન (૯ ચોગ્ગા) ફટકારી પથીરાની બોલીંગમાં આઉટ થયો હતો.

રોહિત શર્મા આજના મેચમાં ઓસ્ટ્રેલિયા સામેની ફટકારેલા ડબલ હન્ડ્રેડની ફરી યાદ અપાવી દીધી હતી. સદી ફટકાર્યા બાદ લખમલની એક જ ઓવરમાં ચાર છગ્ગાઓ ફટકારી દીધા હતા.

તો તેની સાથે વનડાઉન આવેલા શ્રેયસ ઐયરે પણ ઝડપી બેટીંગ કરી માત્ર ૬૯ બોલમાં ૯ ચોગ્ગા અને બે છગ્ગા સાથે ૮૮ રન ફટકારી આઉટ થયો હતો.