Gujarati News

નવી દિલ્હી: ત્રણ વખતના પેરાલિમ્પિક પદક વિજેતા દેવેન્દ્ર ઝાઝરીયાને આ વર્ષના રાષ્ટ્રીય રમત પુરસ્કારો માટે પસંદગી સમિતિમાં સમાવવામાં આવ્યા છે, જ્યારે સુપ્રીમ કોર્ટના નિવૃત્ત ન્યાયાધીશ અને ન્યાયમૂર્તિ મુકુંદકમ શર્માને સમિતિના અધ્યક્ષ બનાવવામાં આવ્યા છે. માહિતી અનુસાર, અનુભવી બોક્સર સવિતા દેવી, હોકી કોચ બલદેવ સિંહ, ભૂતપૂર્વ રાઇફલ શૂટર અંજલી ભાગવત અને ભૂતપૂર્વ ભારતીય ફાસ્ટ બોલર વેંકટેશ પ્રસાદને પણ પસંદગી સમિતિમાં સામેલ કરવામાં આવ્યા છે. ઝાઝારિયાએ કહ્યું, "હું ખૂબ જ ખુશ છું કે રમત મંત્રાલય દ્વારા મને સક્ષમ માનવામાં આવે છે. મારા માટે ગર્વની વાત છે. ઝાઝારિયાએ તાજેતરમાં સમાપ્ત થયેલ ટોક્યો પેરાલિમ્પિક્સમાં સિલ્વર મેડલ જીત્યો હતો. આ પહેલા તેણે 2004 અને 2016 માં ગોલ્ડ મેડલ જીત્યા હતા. પસંદગી સમિતિ હવે થોડા દિવસોમાં એકસાથે વિજેતાઓની જાહેરાત કરશે. આ વર્ષે સરકારે સ્પોર્ટ્સ એવોર્ડ સમારંભમાં વિલંબ કરવાનો નિર્ણય કર્યો હતો.