Gujarati News

ટંકારાની ખજુરા હોટલ નજીક જન્માષ્ટમીના દિવસે એક કાર પલટી મારી ગઈ હતી જે અકસ્માતગ્રસ્ત કારમાંથી દેશી દારૂનો જથ્થો મળી આવ્યો હોય જેથી પોલીસે કાર અને દારૂ સહિતનો મુદામાલ જપ્ત કરી કારચાલક વિરુદ્ધ ગુન્હો નોંધી વધુ તપાસ હાથ ધરી છે
ટંકારા પોલીસ મથકના સિદ્ધરાજસિંહ જાડેજાએ પોલીસ ફરિયાદ નોંધાવી છે કે ખજુર હોટલ નજીક સ્કોર્પીઓ કાર જીજે ૦૩ બીએ ૦૦૫૦ વાળીમાંથી દેશી દારૂ ૧૭૫ લીટર કીમત રૂ ૩૫૦૦ મળી આવ્યો હોય જેથી પોલીસે કાર અને દારૂ તેમજ મોબાઈલ સહીત કુલ રૂ ૨,૦૮,૫૦૦ ની કિમતનો મુદામાલ જપ્ત કર્યો છે તો કાર ચાલક હાજર નહિ મળતા આરોપી વિરુદ્ધ ગુન્હો નોંધી વધુ તપાસ ચલાવી છે.