Gujarati News

Gujarati News

News of Thursday, 29th October 2020

હળવદમાં મગફળીના નીચા ભાવને લઇને ખેડૂતોએ કર્યો હોબાળો:હરાજી બંધ કરાઈ

આવકના ભરાવા વચ્ચે યોગ્ય ભાવ ન મળે ત્યાં સુધી હરરાજી બંધ કરવા રજૂઆત

મોરબી :હળવદ માર્કેટ યાર્ડમાં મોટી સંખ્યામાં ખેડૂતો કપાસ અને મગફળી વેચવા માટે આવી રહ્યા છે. ત્યારે ખેડૂતોને મગફળીનો ભાવ નીચો રહેતા ખેડૂતોએ હોબાળો મચાવ્યો હતો. ખેડૂતો માર્કેટ યાર્ડના સત્તાધીશોને રજૂઆત કરવા દોડી ગયા હતા અને હરરાજી બંધ કરવા જણાવાયું હતું. જેથી હરરાજી બંધ કરવામાં આવી છે. તો સાથે જ યાર્ડમાં મગફળીની આવકનો ભરાવો થયો છે.

રાજ્ય સરકાર દ્વારા ટેકાના ભાવે પણ મગફળી ખરીદી કરવામાં આવી રહી છે, પરંતુ તેના કરતાં ખેડૂતોને ઓપન બજારમાં સારો એવો ભાવ મળી રહેતો હોય. જેથી ટેકાના ભાવે મગફળી વેચવાને બદલે ઓપન બજારમાં ખેડૂતો મગફળી વેચવાનું વધુ પસંદ કરી રહ્યા છે. જો કે એકાએક 50 થી 60 રૂપિયાનો મગફળીનો ભાવ ગગડી જતાં ખેડૂતોમાં ભારે રોષ જોવા મળી રહ્યો હતો અને હળવદ માર્કેટ યાર્ડમાં હોબાળો મચાવ્યો હતો.

યાર્ડના સત્તાધીશો પાસે દોડી જઈને યોગ્ય કરવા રજૂઆત કરી હતી અને જણાવ્યું હતું કે, જ્યાં સુધી મગફળીના યોગ્ય ભાવ ન મળે ત્યાં સુધી માર્કેટયાર્ડમાં હરરાજી બંધ કરવામાં આવે. જેથી હળવદ માર્કેટ યાર્ડમાં મગફળીની હરાજી બંધ કરવામાં આવી હતી,તો એક દિવસમાં 13,000 મણ જેટલી મગફળીની આવક હળવદ માર્કેટ યાર્ડમાં નોંધાઈ છે.

(12:23 pm IST)
  • ગુજરાત પ્રદેશ કોંગ્રેસ કાર્યકારી પ્રમુખ હાર્દિક પટેલ ચૂંટણી પ્રચારમાંથી ગાંધીનગર આવવા રવાનાઃ ૩.૩૦ વાગ્યે ગાંધીનગર પહોંચી પૂર્વ મુખ્યમંત્રી શ્રી કેશુભાઇ પટેલના નિવાસસ્થાને જઇ શ્રધ્ધાંજલી પાઠવશે access_time 3:21 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST