Gujarati News

Gujarati News

News of Thursday, 29th October 2020

જૂનાગઢ કોમી એકતાના પ્રતિક સમી ઉપલા દાતારની ધાર્મિક જગ્યામાં સંદલ વિધી

જૂનાગઢઃ જમિયાલશાં દાતાર પર્વત પર ઉજવાઈ રહેલા ઉર્ષ પર્વ માં  રાત્રે ચંદન વિધિ નો કાર્યક્રમ યોજાયો હતો, જેમાં પૂજય દાતાર બાપુની ગુફામાં રહેલા કિમતી આભૂષણો જેવાં કે નિલમ, માણેક,પોખરાજ, કાન ના કુંડળ, પવન પાવડી વગેરે જેવા અમૂલ્ય આભૂષણો કે જે વર્ષ માં એકજ વાર ગુફામાંથી બહાર કાઢવામાં આવે છે અને આ આભૂષણોને દાતાર બાપુ ના મહંત ભીમ બાપુ, ટેલિયાઓ તેમજ દાતાર સેવક ગણ દ્વારા દુધ, ગંગાજળ, ગુલાબજળ વગેરે દ્રવ્યો દ્વારા સ્નાન વિધિ કરાવવાંમાં આવી હતી, તેમજ તેમની પૂજન વિધિ કરવામાં આવી હતી, ત્યાર બાદ પૂજય પટેલ બાપા તેમજ પૂજય વિઠલબાપુ ની સમાધિ પર પણ પૂજન અર્ચન કરવામાં આવ્યું હતું, આ પ્રસંગે મહંત ભીમ બાપુ દ્વારા પધારેલા ભાવિ ભકતજનો તેમજ સેવકગણ માટે ભોજન પ્રસાદ ની વ્યવસ્થા કરવામાં આવી હતી, સેવકગણ તેમજ શ્રદ્ઘાળુઓએ આભૂષણો ના દર્શન કર્યા હતા. આ પ્રસંગે  જગ્યાના ટ્રસ્ટી જયોતિબેન વાછાણી , યોગીભાઈ પઢીયાર ,જગ્યાના સેવક જયોતિષભાઈ ગાંધી, બટુકબાપુ વગેરે ઉપસ્થિત રહ્યા હતા.

(12:06 pm IST)
  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST