Gujarati News

મોરબીમાં એક સપ્તાહ પૂર્વે કારખાનામાંથી દોઢ વર્ષની બાળકીનું એક ઇસમ અપહરણ કરી ગયો હોય જે બનાવને પગલે પોલીસની ટીમોએ તપાસ ચલાવી હતી સૌરાષ્ટ્રભરમાં તપાસ ચલાવતા અપહરણ કરનાર આરોપીને સાવરકુંડલાથી ઝડપી લેવાયો છે
બનાવની પ્રાપ્ત વિગતો મુજબ ગત તા. ૧૮ ના રોજ લખધીરપુર રોડ પરના સોરીસો સિરામિક કારખાનામાં કામ કરતા મુકેશ ભુરીયાભાઈ બડોલે એમપી વાળાની દોઢ વર્ષની દીકરીને કારખાનામાં કામ કરતો મનોજ નામનો મજુર કોઈ અગમ્ય કારણોસર અપહરણ કરી ગયો હોય જે અંગે માતાએ પોલીસ ફરિયાદ ઓન્ન્ધાવી હતી જે ફરિયાદને પગલે મોરબી એલસીબી ટીમે અલગ અલગ ટીમો બનાવી તપાસ ચલાવી હતી જેમાં મોરબી એલસીબી અને એન્ટી હુમન ટ્રાફિકિંગ યુનિટ મોરબીની અલગ અલગ ટીમોએ તપાસ ચાલવી હતી અને આરોપી તેમજ અપહૃત બાળકી મળી આવે તેવા સંભવિત સ્થળોએ સિરામિક કારખાનામાં કામ કરતા એમપીના મજૂરોની પૂછપરછ કરી હતી
મોરબીના જીઆઈડીસી ઉપરાંત ગોંડલ, ધોરાજી, ઉપલેટા અને જામનગર જીલ્લાના કાલાવડ સહિતના સ્થળોએ તપાસ ચલાવી હતી જેમાં બાતમી મળતા અમરેલી જીલ્લાના સાવરકુંડલા તાલુકાના જાબાળ ગામની સીમમાં હોવાની બાતમીને પગલે ટીમે તપાસ કરી હતી જેમાં આરોપી મનોજ ઉર્ફે ટેટીયા કેલસિંગ મોહનીયા (ઉ.વ.૨૨) રહે એમપી વાળાને ઝડપી લઈને અપહૃત બાળકીને શોધી કાઢવામાં સફળતા મળી છે
જે કામગીરીમાં એલસીબી પીઆઈ વીબી જાડેજા, પીએસઆઈ એન બી ડાભી, એ ડી જાડેજા, રજનીભાઈ કૈલા, સંજયભાઈ પટેલ, દિલીપભાઈ ચૌધરી, વિક્રમસિંહ બોરાણા, દશરથસિંહ ચાવડા, ફૂલીબેન તરાર, નંદલાલ વરમોરા, વિક્રમભાઈ ફૂગસીયા, અશોકસિંહ ચુડાસમા, હરેશભાઈ સરવૈયા, સતીષ કાંજીયા અને રણવીરસિંહ જાડેજા સહિતની ટીમ જોડાયેલ હતી