Gujarati News

મોરબી વાંકાનેર અને મોરબી રાજકોટ ટ્રેનો બંધ હોય જે પુનઃ શરુ કરવા તેમજ સૌરાષ્ટ્ર અને કચ્છને જોડતી ટ્રેનો શરુ કરવા માટે સામાજિક કાર્યકરે દેશના વડાપ્રધાન અને રેલ્વે મંત્રીને રજૂઆત કરી છે
સામાજિક કાર્યકર જયેશ મકવાણાએ કરેલી રજૂઆતમાં જણાવ્યું છે કે ગુજરાત રાજ્યમાં સૌરાષ્ટ્ર અને કચ્છમાં સૌથી વધારે ધાર્મિક સ્થળો અને ઓદ્યોગિક સ્થળો આવેલ છે મોરબીમાં રેલ્વેનું ૨૦૦૦ ની સાલમાં નેરોગેઈઝ લાઈનમાંથી બ્રોડગેઈઝ લાઈનમાં રૂપાંતર થયેલ છે સૌરાષ્ટ્રના પેરીસ મોરબી શહેરમાં ઘડિયાળ, નળિયા અને સિરામિક સહિતના ઉદ્યોગ હોય જેમાં રોજીરોટી માટે પરપ્રાંતીય મજુરો આવતા હોય છે જેથી સૌરાષ્ટ્ર-કચ્છને જોડતી ટ્રેનની સુવિધા આપવા માંગ કરી છે
તે ઉપરાંત મોરબી-વાંકાનેર અને મોરબી-રાજકોટ ટ્રેનો શરુ કરવા માંગ કરી છે જમા જણાવ્યું છે કે મોરબીથી વાંકાનેર અને વાંકાનેર મોરબી વચ્ચે ચાલતી ટ્રેનમાં વચ્ચે આવતા રેલ્વે સ્ટેશનોમાં મજુરોને સગવડતા રહે છે અને વધુ લોકો ટ્રેનનો ઉપયોગ કરતા હોય છે ખાનગી વાહનોમાં મુસાફરી મોંઘી પડે છે જેથી મોરબી-વાંકાનેર અને મોરબી રાજકોટ ટ્રેન પુનઃ શરુ કરવા માંગ કરાઈ છે.