Gujarati News

Gujarati News

News of Friday, 22nd January 2021

વિંછીયાના અમરાપુર ગામે પવનચક્કીના પાંખીયામાં ટકરાતા 'પેલીકન' પક્ષીનું મોત

વિંછીયા, તા. રર : વિંછીયા પંથકમાં ખાનગી કંપનીઓ દ્વારા ઠેરઠેર પવનચક્કીઓ ઉભી કરવામાં આવી છે. જે પવનચક્કીઓના પાંખીયા સાથે ટકરાઈને અનેક પક્ષીઓ મોતને ભેટતા હોય છે. ત્યારે અમરાપુર ગામની સીમમાં આવેલ એક ખાનગી કંપનીની પવનચક્કીના પાંખીયા સાથે વિદેશી પક્ષી પેલીકન ટકરાતા તેનું ગળું કપાઈ ગયું હતું અને ઘટના સ્થળે જ મૃત્યુ નીપજ્યું હતું. આ ઘટનાની જાણ થતા ગામના સરપંચ અને પક્ષી પ્રેમીઓ તાત્કાલિક દોડી આવ્યા હતા અને દુઃખની લાગણી વ્યકત કરી હતી. આ તકે પક્ષીઓ પ્રેમીઓએ પવનચક્કીના જવાબદારો સામે આક્રોશ વ્યકત કર્યો હતો. બાદમાં વન વિભાગને જાણ કરાતા ફોરેસ્ટ અધિકારીઓ તાત્કાલિક ઘટના સ્થળે પહોંચી પેલીકન પક્ષીના મૃતદેહને પીએમ અર્થે ખસેડી આગળની કાર્યવાહી આરંભી હતી.

(11:03 am IST)
  • નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત access_time 12:58 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST