Gujarati News

મોરબી પંથકમાં અવારનવાર અકસ્માતો સર્જાતા રહે છે જેમાં ગત રાત્રીના એક કાર વીજ થાંભલા સાથે અથડાયા બાદ પલટી મારી જતા કારમાં સવાર મહિલા સહિત ત્રણના મોત થયા હતા જે મામલે મોરબી તાલુકા પોલીસની ટીમે દોડી જઈને વધુ તપાસ હાથ ધરી હતી
મળતી માહિતી મુજબ મોરબી થી ચાંચાપર ગામ તરફ જતી કાર થોરાળા ગામ નજીક વીજ થાંભલા સાથે અથડાઈ હતી કાર કોઈ કારણોસર વીજ થાંભલા સાથે ટકરાયા બાદ પલટી મારી ગઈ હતી   અકસ્માતને પગલે કારમાં સવાર મહિલા સહીત ત્રણ વ્યકતીઓના મૃત્યુ નીપજ્યા હતા તો ધટનાની જાણ થતા મોરબી તાલુકા પોલીસના પી એસ આઈ વી કે કોઠીયા સહિતની ટીમ દોડી આવીને ધોરણસરની કાર્યવાહી હાથ ધરી હતી
બનાવ અંગે મૃતક રંજેશ મેહતાના ભાઈ મંજ્યકુમાર બેચનભાઈ મેહતાએ મોરબી તાલુકા પોલીસમાં ફરિયાદ નોંધાવી છે જેમાં જણાવ્યું છે કે તેનાભાઇ રંજ્યકુમાર બેચનભાઈ મેહતા  એ પોતાની એસેન્ટ કાર જીજે ૦૩ સીએ ૪૮૧૪ પુર ઝડપે ચલાવીને રાજપર બગથળાના પાટિયા નજીક સ્ટેરીંગ પરથી કાબુ ગુમાવી દેતા રોડની સાઈડમાં આવેલ લોખંડના ઇલેક્ટ્રિક થાંભલા સાથે ભટકાડી એક્સિડન્ટ કરી પોતાને તથા કારના સવાર સાહેદ સાહેબલાલ શ્રીરામ બહાદુર યાદવ અને તેની સાથે રહેતી ઇન્દોરવતી કુમારી ગંગારામ પંડિતને ગંભીર ઈજાઓ થતા રંજયકુમાર, સાહેબલાલ અને ઇન્દોરવતીના મૃત્યુ નીપજ્યા હોવાની ફરિયાદ નોંધાવી છે.